დღეს, 13 მარტს დოჰას 250 ქულიანი ტურნირის ფინალურ მატჩში ერთმანეთს ქართველი ნიკოლოზ ბასილაშვილი და ესპანელი რობერტო ბაუტისტა აგუტი დაუპირისპირდებიან.
ორივე ჩოგბურთელმა საკმაოდ რთული ბადე გაიარა და ფინალში ასპარეზობა ღირსეულად მოიპოვა.
ნიკამ პირველი შეხვედრა ჯონ მილმანთან გამარჯვებით დაიწყო (2:6, 6:4 6:2), შემდეგ მალეკ ჯაზირს 6:2 6:2 სძლია, მეოთხედფინალში ქართველმა როჯერ ფედერერი 3:6, 6:1 7:5 დაამარცხა. გუშინ ნახევარფინალში ტეილორ ფრიტცმა ბასილაშვილს ვერაფერი დაუპირისპირა 6:7 1:6 დამარცხდა.
რაც შეეხება ბაუტისტა აგუტს, ესპანელმა ჯერ ოპეკას 4:6 6:3 6:4 სძლია, შემდეგ ალექსანდრ ბუბლიკი 6:4 6:3,
მეოთხედფინალის შემდეგ კი ბაუტისტამ მაყურებელს 2 სენსაცია შემოსთავაზა, ჯერ ATP რეიტინგის მე-4 ნომერს, დომინიკ ტიმს 7:6 2:6 6:4 სძლია, ნახევარფინალში კი ATP-ის მე-8 ნომერს, ალექსანდრ რუბლევს 6:3 6:3 მოუგო და ფინალში დამსახურებულად გავიდა.
ქართველი და ესპანელი ერთმანეთს 4-ჯერ დაუპირისპირდნენ, საიდანაც ნიკოლოზმა მხოლოდ 1 გამარჯვება დუბაის ტურნირზე იზეიმა (6:7 6:4 6:3).
შეგახსენებთ, დღევანდელი შეხვედრა თბილისის დროით 19:00 საათზე დაიწყება.
ბასილაშვილმა ფრიტცი დაამარცხა და დოჰას ტურნირის ფინალში გავიდა! [VIDEO] 
არის - ბასილაშვილმა ფედერერი დაამარცხა! [VIDEO] 
ბასილაშვილმა გაიმარჯვა და 1/4-ფინალში ფედერერს შეხვდება
ბასილაშვილმა დოჰას ტურნირი გამარჯვებით დაიწყო [VIDEO]
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
