ამერიკის ქალაქ ანაჰაიმში მსოფლიოს ჩემპიონატი ტრიუმფით დაასრულა ქართველმა ძალოსანმა ლაშა ტალახაძემ, რომელმაც შეჯიბრება მსოფლიო რეკორდებითა და ჩემპიონობით დააგვირგვინა. მსოფლიოს, ევროპისა და ოლიმპიურმა ჩემპიონმა ატაცში 210, 215 და 220 კილოგრამი დაძლია, აკვრაშიც სამივე ცდა გამოიყენა (243, 250, 257) და ჯამში 477 კილოგრამით მსოფლიოს ახალი რეკორდი დაამყარა. მან თავისივე რეკორდი 4 კილოგრამით გააუმჯობესა.
არ უნდა დაგვავიწყდეს, რომ ატაცში 220 კილოგრამიც მსოფლიოს რეკორდია. მანამდე მას 117 კგ ჰქონდა აწეული.
ასე და ამგვარად, ანაჰაიმში ქართული ჰიმნი ამაყად აჟღერდა. კვარცხლბეკის მეორე საფეხურზე აღმოჩნდა ირანელი საეიდ ალიჰუსეინი, ხოლო მესამე იყო ასევე ირანელი ბეჰდად სალიმიკორდასიაბი.
საქართველოს ძალოსანთა ნაკრებმა 2017 წლის მსოფლიო ჩემპიონატი ისტორიული შედეგით, ჯამში 7 მედლით დაასრულა და გუნდურ ჩათვლაში მესამე ადგილი დაიკავა. ქართველი ძალოსნების ანგარიშზე 5 ოქრო და თითო ვერცხლი და ბრინჯაოა. შეგახსენებთ, რომ ანაჰაიმში მანამდე ქალთა შორის 90 კგ-ში მსოფლიოს ჩემპიონობა იზეიმა ანასტასია გოტფრიდმა, ხოლო შოთა მიშველიძემ 62 კგ-ში ბრინჯაო მოიპოვა. საქართველოს ნაკრებიდან უმედლოდ მხოლოდ რევაზ დავითაძე (85) დარჩა, რომელმაც მეხუთე ადგილი დაიკავა.
!["მაგრად ვცემ! ვერ გამწიწკნიან ხელიდან" - ჭინჭარაულის მორიგი სახალისო ვიდეო [VIDEO]](/pictures/image7/7b483f775bc53268f87858e82086b344.png "\"მაგრად ვცემ! ვერ გამწიწკნიან ხელიდან\" - ჭინჭარაულის მორიგი სახალისო ვიდეო [VIDEO]")
ყველას გილოცავთ; ლაშას კიდევ ბევრჯერ ესახელებინოს ქვეყანა
იმ გაბღენძილ ირანელს რა უნდოდა, რას იბერებოდა ვერ გავიგე; ლაშას ეჯიბრებოდა? რომელ შტანგასაც ხელი მოჰკიდა, ყველა რომ აეწია, 10 კგ-ით მაინც წააგებდა
ერთ ინტერვიუში თქვა ლაშამ, რომ ოლიმპიადის შემდეგ საქართველოში ერთ-ერთ მიღებაზე ტორტი მოიტანეს და ასანიძემ ზედ 500კგ დააწერაო, რომ ვკითხე 500 რატომო, ასე მითხრაო: ეს იქნება ჩვენი მიზანი მომავალი ოლიმპიადისთვისო, მე კიდევ ეს მისი ნათქვამი არ გამიხადაო... ;))))
წარმატებები კიდევ ერთხელ და მრავალგზის !!!