უეფამ საქართველოსა და სომხეთის ფუტსალის ნაკრებებს მსოფლიო ჩემპიონატის ელიტ რაუნდში გამართულ მეორე ტურის მატჩებში ტექნიკური მარცხი 0:5 ჩაუთვალა. ავთანდილ ასათიანის გაწვრთნილები გასვლაზე პორტუგალიასთან 2:4 დამარცხდნენ, ფინელებმა კი სომხეთს 3:2 სძლიეს.
ამის შემდეგ ფინელებმა სომხებს, ხოლო პორტუგალიელებმა ქართველებს უჩივლეს და აღნიშნეს, რომ ამ ნაკრებებში დაშვებულზე მეტმა ნატურალიზებულმა ფეხბურთელმა იასპარეზა.
ევროპული ფეხბურთის მმართველმა ორგანომ ეს საჩივარი დააკმაყოფილა, რის შემდეგაც ქართველებსა და სომხებს ტექნიკური წაგება 0:5 დაუფიქსირდათ.
ფუტსალი. საქართველოს ნაკრებმა სომხეთი 2:1 დაამარცხა [VIDEO]
