თბილისში მოჭადრაკე ვაჟთა მსოფლიოს თასის გათამაშების ნახევარფინალური მატჩების კლასიკურ პარტიები ყაიმით დასრულდა. ამიტომ ფინალისტების გამოსავლენად 21 სექტემბერს ტაიბრეიკები გაიმართა. დინ ლიჟენისა (ჩინეთი) და ვესლი სოს (აშშ) ორივე 25-წუთიანი პარტია მშვიდობიანად დამთავრდა. 10-10-წუთიანების პირველი პარტია შავებით ჩინელმა 69-ე სვლაზე მოიგო, თეთრებით კი ქულა გაიყო მეტოქესთან და ფინალის საგზური პირველმა მოიპოვა.
უფრო დიდხანს გაგრძელდა მაქსიმ ვაშიე-ლაგრავისა (საფრანგეთი) და ლევონ არონიანის (სომხეთი) პაექრობა. პირველ 25-წუთიან პარტიაში ფრანგმა 64-ე სვლაზე აჯობა არონიანს, მაგრამ განმეორებით შეხვედრაში სომეხმა დიდოსტატმა რევანში აიღო
მომდევნო 10 და 5-წუთიანი ორ-ორი პარტია უშედეგოდ დასრულდა. გამარჯვებულის გამოსავლენად დაინიშნა "არმაგედონი" (მოსაგებად თეთრებს 5, შავებს 4 წუთი ჰქონდათ). არონიანი დროში ჩაეტია და ვაშიე-ლაგრავს 78-ე სვლაზე საათი გააჩერებინა.
ამდენად, ფინალში ლევონ არონიანი და დინ ლიჟენი ითამაშებენ.
ყოველდღიური სპორტული გაზეთი "ლელო"
