"უილიამსის" ბრაზილიელმა პილოტმა ფელიპე მასამ გუშინ ოფიციალური პრესკონფერენცია მოიწვია, სადაც გამოაცხადა, რომ ამ სეზონის შემდეგ დატოვებს ფორმულა 1-ს."ამ მომენტში იმაზე მეტად ვნერვიულობ, ვიდრე ნებისმიერი რბოლის წინ. კარიერა 27 წლის წინ, კარტინგში დავიწყე და 15 შესანიშნავი წელი გავატარე ფორმულა 1-ში. ახლა, მოვიდა დრო გამოვაცხადო, რომ ეს არის ჩემი ბოლო სეზონი ამ სერიაში.
წინ კიდევ რვა რბოლა მრჩება და ვეცდები მაქსიმალური სიამოვნება მივიღო", - განაცხადა 35 წლის ბრაზილიელმა.
მასა ფორმულა 1-ში 2002 წელს მივიდა და სამი სეზონის განმავლობაში "ზაუბერის" ღირსებას იცავდა.
რაც შეეხება კარიერულ მონაგარს, ფორმულა 1-ში მასამ 242 გრანპრი ჩაატარა, მოიგო 11 და 41-ჯერ ავიდა პოდიუმზე. პირად ჩათვლაში საუკეთესო შედეგი 2008 წელს ჰქონდა, როცა ბოლო ეტაპის ბოლო წრეზე წააგო ტიტულისთვის ბრძოლა ლუის ჰემილტონთან.
ყოველდღიური სპორტული გაზეთი "ლელო"
