კვირას დასრულდა ფრენბურთში ევროპის ჩემპიონატი ქალებს შორის. ისტორიაში პირველად კონტინენტის ჩემპიონი სერბეთის ნაკრები გახდა, რომელმაც გერმანიის წინააღმდეგ წაგებული მატჩი გადაარჩინა .სერბები სეტებს შორის 1:2-ს აგებნენ, მეოთხე პარტიაში კი 0:6 იყვნენ ჩამორჩენილნი, მაგრამ მაინც მოახერხეს ტიტულის მოპოვება - 3:2 (16:25, 25:20, 19:25, 25:20, 15:9). ფინალი სერბეთის დედაქალაქ ბელგრადში გაიმართა.
მანამდე ჩატარდა მატჩი მესამე ადგილისთვის, რომელიც ასევე ხუთსეტიანი გამოდგა და თურქეთმა იტალია დაამარაცხა - 3:2 (25:21, 15:25, 25:27, 25:19, 15:10). აღსანიშნავია, რომ თურქეთმა მეოთხედფინალში გამოთიშეს ბრძოლას წინა ჩემპიონატის გამარჯვებული რუსეთის ნაკრები.
სერბეთის ქალთა და მამაკაცთა ნაკრებებმა ამ გამარჯვებებით ოლიმპიურ თამაშებზე გამოსვლის უფლება მიიღეს.
ყოველდღიური სპორტული გაზეთი "ლელო"
