პლაჟბურთელთა ტურნირში დღე არ გავა, რომ სენსაცია არ დაფიქსირდეს. თუ ვაჟთა ოთხეულში ვერ გააღწიეს ამერიკელებმა, რომლებიც ნებისმიერი შეჯიბრების უმთავრესი ფავორიტები არიან, ქალთა შორის ოქროს მედლების მოპოვებისთვის ბრაზილიელები ვეღარ იბრძოლებენ. ტურნირის უმთავრესი ფავორიტი, პირველ ნომრად განთესილი ბრაზილიელი წყვილი ლარისა-ჯულიანა მეოთხე ნომრად განთესილ ამერიკელ დუეტ კისი-როსისთან დამარცხდა სამ სეტში - 21:15, 19:21, 12:15.
ფინალი ქალთა შეჯიბრებაში ამერიკული გამოვა.
პეკინის ოლიმპიადის გამარჯვებულებმა, მესამე ნომრად განთესილმა ამერიკელმა წყვილმა მეი-ველშმა ორ სეტში, უმძიმეს ბრძოლაში დაამარცხა მეორე ნომრად განთესილი ჩინელი დუეტი ჭანკ ჰი-ჰუე - 22:20, 22:20.
ახლა მხოლოდ ფინალურ მატჩზე ვფიქრობ. ვცდილობ, გავარკვიო, რა უნდა გამოვასწოროთ თამაშში, რომ წინა ოლიმპიადაზე ნაჩვენები შედეგი გავიმეოროთ" - თქვა ნამატჩევს კერი ველშმა.
ვაჟთა ტურნირის ნახევარფინალში ფავორიტებმა, პირველ ნომრად განთესილმა ბრაზილიელებმა ემანუელ რეგომ და ალისონ ჩერუტიმ ორ სეტში დაამარცხეს მე-17 ნომრად განთესილი ლატვიელები მარტინს პლავნისი და იანის სმენდისი - 21:15, 22:20.
კაცები
1/2-ფინალი
ა. ჩერუტი/ე. რეგო (ბრა)-მ. პლავინსი/ი. სმედინსი (ლატ) 21:15, 22:20;
ი. ბრინკი/ი. რეკერმანი (გერ)-რ. ნუმერდორი/რ. შუილი (ჰოლ)
ქალები
1/2-ფინალი
მ. მეი-ტრინორი/კ. უოლშ ჯენინგსი (აშშ)-ს. სუე/ს. ჟანგი (ჩინ) 22:20, 22:20;
ლ. ფრანსა/ხ. სილვა (ბრა)-ა. როსი/ი. კესი (აშშ) 21:15, 19:21, 12:15.
ყოველდღიური სპორტული გაზეთი "ლელო"
