მსოფლიოს ჩემპიონატის მესამე დღეს მედლების ხუთი კომპლექტი გათამაშდა და მსოფლიოს ოთხი რეკორდი დამყარდა.კაცებში ორივე ოქრო ჩინელ მოცურავეებს ერგოთ. 400 მეტრზე გამარჯვების შემდეგ, ჩინელმა ლეგენდამ, რიოს ოლიმპიადის ჩემპიონმა სუნ იანმა 200 მეტრზე თავისუფალი სტილით ცურვაშიც მოიპოვა პირველობა, რითაც მსოფლიოს ჩემპიონატებზე მედლების რაოდენობა 14-მდე აიყვანა. არადა, ნახევარფინალის შემდეგ, პირველი ორი საუკეთესო დრო ბრიტანელებს - დანკან სკოტსა და 2015 წლის ჩემპიონს ჯეიმს გაის ჰქონდათ, მაგრამ მათ პოდიუმზე ასვლაც კი ვერ მოახერხეს.
ვარსკვლავთცვენა იყო მამაკაცებს შორის 100 მეტრზე გულაღმა ცურვაში. ფინალში გამოდიოდნენ: ამერიკელი
სასტარტო რეაქცია ყველაზე უკეთესი სუ ჟიაუის ჰქონდა, რომელიც პირველი მეტრებიდან დაწინაურდა და ლიდერობა ბოლომდე არავის დაუთმო. გრივერსი მეორეზე გავიდა, მერფი - მესამეზე.
* * *
ფენომენალურმა კეტი ლედეკიმ ამ ჩემპიონატზე მესამე ოქრო მოიპოვა. 20 წლის ამერიკელს კარიერაში არასოდეს წაუგია 1500 მეტრი დისტანცია, რომელსაც 2020 წლის ოლიმპიადის პროგრამაში შეიტანენ. ამჯერად, ლედეკიმ მსოფლიოს რეკორდის გარეშე გაცურა, მიუხედავად ამისა, თითქმის 20 წამი (!) მოუგო მეორე ადგილზე გასულ ესპანელს მირეა ბელმონტეს. სამაგიეროდ, ლედეკი აბსოლუტური რეკორდსმენი გახდა ქალებს შორის მსოფლიოს ჩემპიონატზე მოპოვებული ოქროების რაოდენობით - მას 12 გამარჯვება დაუგროვდა. მანამდე ის 11 ოქროთი რეკორდს იყოფდა თანამემამულე მისი ფრანკლინთან.
ქალებს შორის კიდევ ორ დისციპლინაში მსოფლიოს რეკორდი დამყარდა. 100 მეტრზე გულაღმა ცურვაში ყველა ელოდა კატინკა ჰოშუს გამოსვლას, მაგრამ მასპინძელმა საკვალიფიკაციო ეტაპის გავლის შემდეგ, ნახევარფინალზე გასვლა არ ისურვა. ოლიმპიური ჩემპიონის არყოფნაში გაიბრწყინა კანადელმა კაილი მასმა, რომელმაც 0.02 წამი ჩამოაკლო 2009 წელს, ბრიტანელი ჯემა სპოფორტის მიერ დამყარებულ მსოფლიოს რეკორდს და ოქროს მედალი მოიპოვა.
დაბოლოს, 100 მეტრ ბრასზე რუსებს იულია ეფიმოვას დიდი იმედი ჰქონათ. ის ფინალში საუკეთესო დროით გადავიდა, მაგრამ იქ მხოლოდ მესამე ადგილი დაიკავა. რუსების იმედმა ორ ამერიკელთან წააგო. ჩემპიონი მსოფლიოს ახალი რეკორდით გახდა რიოს ოლიმპიადის ტრიუმფატორი ლილი კინგი, ვერცხლის მედალი კი კეტლინ მეილიმ მოიგო.
* * *
რაც შეეხება მსოფლიოს კიდევ ერთ რეკორდს, ის ნახევარფინალში დაამყარა ფენომენალურ ფორმაში მყოფმა ბრიტანელმა ადამ პიტიმ. ის პირველ მოცურავე გახდა ისტორიაში, ვინც 50 მეტრი ბრასი 26 წამზე ნაკლებ დროში დაფარა - 25.95 წამი.
კაცები
200 მ თავისუფალი
1. სუნ იანი (ჩინ) - 1.44,39
2. ტონლი ჰაასი (აშშ) - 1.45,04
3. ალექსანდრ კრასნიხი (რუს) - 1.45,23
100 მ გულაღმა
1. სიუ ჟიაიუ (ჩინ) - 52.44
2. მეტ გრივერსი (აშშ) - 52.48
3. რაიან მერფი (აშშ) - 52.59
ქალები
1500 მ თავისუფალი
1. კეტი ლედეკი (აშშ) - 15.31,82
2. მირეია ბელმონტე (ესპ) - 15.50,89
3. სიმონა კვადარელა (იტა) - 15.53,86
100 მ გულაღმა
1. კალი მასი (კან) - 58.10
2. კეტლინ ბეიკერი (აშშ) - 58.58
3. ემილი სიბომი (ავსტრა) - 58.59
100 მ ბრასი
1. ლილია კინგი (აშშ) - 1.04,13
2. კეტლინ მეილი (აშშ) - 1.05,03
3. იულია ეფიმოვა (რუს) - 1.05,05
ყოველდღიური სპორტული გაზეთი "ლელო"
