პირველ მძიმე წონაში მსოფლიოს ახალი ჩემპიონი გახდა ლატვიელი მაირის ბრიედისი (22-0, 18KO) - მან WBC-ის ვერსიით ვაკანტური ტიტული მოიპოვა დორტმუნდში, როცა მსაჯების ერთსულოვანი გადაწყვეტილებით მოუგო გერმანელ მარკო ჰუკს (40-4-1, 27KO). WBC-ის საჩემპიონო ქამრის გარდა, IBO-ის ტიტულიც აიღო, რომელიც ჰუკს ეკუთვნოდა.პირველმა რაუნდმა თანაბარ ბრძოლაში ჩაიარა, მაგრამ მეორე რაუნდიდან მოყოლებული, ბრიედისი გაბატონდა რინგზე. ორივე მოკრივე ხშირად იყენებდა კლინჩს, მაგრამ ბრიედისი გაცილებით აქტიური იყო, ვიდრე მისი ტიტულოვანი მეტოქე და რაუნდს რაუნდზე იღებდა. საბოლოოდ, ბრძოლა 12 რაუნდი გაგრძელდა, რომლის შემდეგაც მსაჯებმა ასეთი ვერდიქტი
აღსანიშნავია, რომ ბრიედისი უკრაინელი ვლადიმირ კლიჩკოს სპარინგ-პარტნიორია, რომელიც ბრიტანელ ენტონი ჯოშუასთან ბრძოლისთვის ემზადება. ეს შეხვედრა 29აპრილს, "უემბლის" ლეგენდარულ სტადიონზე გაიმართება.
ყოველდღიური სპორტული გაზეთი "ლელო"
