მსოფლიოს ჩემპიონატზე მედლების კიდევ ექვსი კომპლექტი გათამაშდა. ბადროს ტყორცნაში მამაკაცებს შორის ბოლო წლებში დიდი კონკურენციაა კომერციულ სტარტებზე, მაგრამ 2009 წლიდან მოყოლებული, ყველა დიდ ტურნირზე რობერტ ჰარდინგი იმარჯვებს. წელს პეტრ მალახოვსკიმ მიანიშნა კონკურენტს, რომ მზად არის, შეწყვიტოს ეს ჰეგემონია. პოლონელმა ერთ-ერთ წინა სტარტზე ბრწყინვალე შედეგი აჩვენა - 71,84 მეტრი, მაგრამ მოსკოვში ამ დონეზე გამოსვლა ვერ შეძლო. მან მხოლოდ 68,34 მეტრი აჩვენა. ჰარტინგმა ერთ-ერთ პირველ ცდაზე 69,11 მეტრი დააფიქსირა, რამაც მსოფლიოს ჩემპიონატის მეოთხე ოქრო მოუტანა. რაც შეეხება ბრინჯაოს მედალს, ის ოლიმპიურ ჩემპიონს,
* * *
დასრულდა ორდღიანი ტურნირი შვიდჭიდში. უკრაინელი ანა მელნიჩენკო პირველივე დისციპლინიდან გალიდერდა. სამშაბათს დაგეგმილი იყო შეჯიბრებები სიგრძეზე ხტომაში, შუბის ტყორცნასა და 800 მეტრზე სირბილში. უკრაინელი შესანიშნავად გამოვიდა ხტომებში - 6,49 მეტრი და კარგი ჰანდიკაპი შეიქმნა შუბის ტყორცნამდე, რომელიც მისი ერთ-ერთი სუსტი მხარეა.
ამასობაში მეორე ადგილზე გადავიდა კანადელი ტაისონ-იტონი. მისმა მეუღლემ ორი დღის წინ ოქროს მედალი მოიგო ათჭიდში, მაგრამ ბრიანამ ოჯახს მეორე გამარჯვება ვერ მოუტანა. მან გაუსწრო მელნიჩენკოს ბოლო სახეობაში, მაგრამ ქულებში უკრაინელის უპირატესობა ძალიან დიდი იყო. მელნიჩენკომ 30 წლის ასაკში პირველად მოიგო მსოფლიოს ჩემპიონატი. ტაისონ-იტონმა მეორე ადგილი დაიკავა, სამეულში კი ჰოლანდიელი სხიპერსი მოხვდა.
* * *
800 მეტრზე მამაკაცების გარბენში სუსტი შემადგენლობა იყო შეკრებილი. ფინალში ვერ ვიხილეთ ლონდონის თამაშების ვერც ერთი პრიზიორი, მათ შორის, დევიდ რუდიშა, რომელიც ოლიმპიადის მოქმედი ჩემპიონია და მოსკოვში თავის ტიტულს ტრავმის გამო ვერ იცავდა.
სეზონის სტარტზე კომერციულ ტურნირებში სხვებზე უკეთ მოჰამედ ამანი გამოდიოდა, მაგრამ ბოლო ერთი თვის განმავლობაში კარგად წარმოაჩინა თავი ამერიკელმა დუეინ სალომონმა და ის მსოფლიოს ჩემპიონატს სეზონის ლიდერის რანგში შეხვდა. დაახლოებით 600 მეტრი სწორედ ის იგებდა ფინალურ გარბენს, მაგრამ ბოლოს ბრწყინვალე კონტრშეტევა გამოუვიდა ამანს და მან ოქროს მედალი მოიგო - 1.43,31. რაც შეეხება სალომონს, ის მხოლოდ მეექვსე მივიდა ფინიშთან.
* * *
3000 მეტრზე სტიპლჩეზში კენიელი მილკა ჩემოს ჩეივა უკვე რამდენიმე წელია ბრწყინვალედ გამოდის კომერციულ სტარტებზე, მაგრამ დიდ ტურნირებზე არასოდეს უმართლებდა. ბერლინსა და ტეგუში ის მესამე ადგილზე გავიდა, ლონდონის ოლიმპიადაზე კი მეოთხე პოზიციაზე აღმოჩნდა. წელს მისი შანსები განსაკუთრებით მაღალი იყო, რადგან ჩემპიონატში ტრავმის გამო არ მონაწილეობდა მოქმედი ჩემპიონი იულია ზარიპოვა.
საბოლოოდ, ფინალი კენიელი და ეთიოპიელი მორბენლების ბრძოლად გადაიქცა. ჩეივა ლიდერი ფინიშამდე ორი წრით ადრე გახდა და პირველობა აღარავის დაუთმო.
* * *
დღის ბოლო ფინალი იყო მამაკაცების გარბენი 400 მეტრზე. აქ ელოდნენ ამერიკელი ლაშონ მერიტისა და გრენადელი კირანი ჯეიმსის დუელს. თანაც, ბოლო დროს ახალგაზრდა გრენადელი ამერიკელს მთავარ სტარტებზე მუდმივად ამარცხებდა.
საერთოდაც, ლაშონს დისკვალიფიკაციის მოხდის შემდეგ დიდი წარმატება არ ჰქონია. წინა ჩემპიონატზე ის მეორე იყო, ოლიმპიადაზე კი ფინალში ვერ გავიდა ტრავმის გამო, მაგრამ მოსკოვის ჩემპიონატს ის შესანიშნავ ფორმაში შეხვდა და ფინალურ გარბენში ბოლო ვირაჟისას უკვე დიდი უპირატესობა ჰქონდა. მან სეზონის საუკეთესო შედეგით გაიმარჯვა - 43.74 წამი. კირანიმ კი ბოლო მეტრებზე ტემპი დააგდო და მხოლოდ მეშვიდე ადგილი დაიკავა.
კაცები
ბადროს ტყორცნა
1. რობერტ ჰარტინგი (გერ) 69,11
2. პეტრ მალახოვსკი (პოლ) 68,36
3. გერდ კანტერი (ესტ) 65,19
800 მ.
1. მოჰამედ ამანი (ეთი) 1.43,31
2. ნიკ სიმონდსი (აშშ) 1.43,55
3. აიანლეჰ სულეიმანი (ჯიბ) 1.43,76
400 მ.
1. ლაშონ მერიტი (აშშ) 43,74
2. ტონი მაკუეი (აშშ) 44,40
3. ლუგელინ სანტოსი (დომ) 44,52
ქალები
20 კმ. სიარული
1. ელენა ლაშმანოვა (რუს) 1.27,08
2. ანისია კირდიაპკინა (რუს) 1.27,11
3. ლიუ ჰონი (ჩინ) 1.28,10
შვიდჭიდი
1. ანა მელნიჩენკო (უკრ) 6586
2. ბრიან ტისენ-იტონი (კან) 6530
3. დაფნა შიპერსი (ჰოლ) 6477
3000 მ/სტიპლჩეზი
1. მილკა ჩეივა (კენ) 9.11,65
2. ლიდია ჩეპკურუი (კენ) 9.12,55
3. სოფია ასეფა (ეთი) 9.12,84
მედლების ჩათვლა
ო ვ ბ ს
1. აშშ 4 5 1 10
2. რუსეთი 3 1 2 6
3. გერმანია 2 2 1 5
3. კენია 2 2 1 5
5. ეთიოპია 2 1 2 5
6. იამაიკა 2 0 1 3
7. ბრიტანეთი 2 0 0 2
8. პოლონეთი 1 1 0 2
9. ხორვატია 1 0 0 1
9. ზელანდია 1 0 0 1
9. უკრაინა 1 0 0 1
ყოველდღიური სპორტული გაზეთი "ლელო"
ასევე იხილეთ:
ელენა ისინბაევა სპორტიდან გამარჯვებით წავიდა
