გიორგი ეგნატაშვილის სახელობის ოლიმპიური მზადების ცენტრის მხატვრულმა ტანმოვარჯიშეებმა (მწვრთნელები - ლუბოვ სერგოვანცევა და თინათინ ნადირაშვილი), ფიქრია ფანქველაშვილის ხელმძღვანელობით, ისრაელში ტრადიციულ საერთაშორისო ტურნირზე - "ზღვის თასის" გათამაშებაში იასპარეზეს. აშდოდში 11 ქვეყნის სხვადასხვა ასაკის სპორტსმენებმა მოიყარეს თავი.
1998 წელს დაბადებულთა მრავალჭიდში 41,75 ქულით მე-2 ადგილი დაიკავა ელიზავეტა ბაქრაძემ, რომელმაც ცალკეული საგნებით ვარჯიშშიც მოიპოვა ორი მედალი: ბაფთით 15,05 ქულა მოაგროვა და კვარცხლბეკის უმაღლეს საფეხურზე ავიდა, რგოლით კი (14,5) მეორე ადგილს დასჯერდა.
13 წლის ტანმოვარჯიშეთა პაექრობაშიც სამი ჯილდო დაიმსახურა ვიქტორია შელიამ. მანაც მრავალჭიდში 42,5
2001-02 წლებში დაბადებულთა შორის ანა კუკავას ბურთით ვარჯიშში (13,7) მესამე შედეგი ჰქონდა, მრავალჭიდში კი ბრინჯაომდე მცირედი დააკლდა - მე-4 ადგილით დაკმაყოფილდა.
საქართველოს დელეგაციის მე-8 მედალი 10-წლიანებში ანასტასია არველაძემ მოუტანა - 11,65 ქულით რგოლით ვარჯიშში მე-2 ადგილი დაიკავა.
ყოველდღიური სპორტული გაზეთი "ლელო"
