23 ივნისს, მთელი ჩვენი დელეგაციის ყურადღების ცენტრში მოკრივეთა ტურნირს შემორჩენილი გელა აბაშიძის გამოსვლა იყო, ჩვენი შტაბიდან ყველა მოვიდა დარბაზში. ამ ბიჭს ბევრი ქომაგი ჰყავს ბაქოელ მაყურებელთა შორისაც. ყველას თავი დაამახსოვრა ბრძოლის ეფექტური მანერით. წინწაწეული მოკრივეები უკვე ერთიმეორეზე უკეთესები არიან და ყველა ძალზე საინტერესო ნახევარფინალებისა და ფინალის მოლოდინშია.
გელას გუშინდელმა მეტოქემ, უკრაინელმა იაროსლავ სამოფალოვმა აქამდე, ისევე, როგორც აბაშიძემ, შთამბეჭდავი გამარჯვებებით მოაღწია. სწორედ ამიტომაც, ძნელი იყო წინასწარ რაიმეს ვარაუდი.
ჩვენი მოკრივის მხურვალე ქომაგობა რინგზე მისი ასვლისთანავე დაიწყო მაყურებელმა. მეტოქეებმა ენერგიულ ტემპში პაექრობა
პირველი რაუნდი ქართველის სასარგებლოდ დასრულდა, მეორეში კი უკრაინელის მცირე უპირატესობა დაფიქსირდა. ვერ ვიტყვით, რომ გადამწყვეტ მესამე რაუნდში მეტოქის უპირატესობა გამოკვეთილად აშკარა იყო, მაგრამ სამოფალოვმა ძალიან აკადემიურად იბრძოლა და საბოლოოდაც მას დარჩა გამარჯვება.
ამრიგად, მეოთხედფინალში ჩვენთვის მოკრივეთა ბოლო იმედსაც დაესვა წერტილი.
თენგიზ გაჩეჩილაძე ბაქოდან
ყოველდღიური სპორტული გაზეთი "ლელო"
