ჭიდაობის მსოფლიო ფედერაციამ (United World Wrestling) უმაღლესი კატეგორიის მსაჯი თემურ ყაზარაშვილი საქმიანობიდან მოკვეთა. ამის შესახებ გამოცემა Inside the games-ი იუწყება. სავარაუდოდ, გადაწყვეტილების მიზეზი 15 აგვისტოს, რიო დე ჟანეიროს ოლიმპიადაზე, ბერძნულ-რომაულ ჭიდაობაში 85 კგ-მდე წონით კატეგორიაში გამართულ ფინალში ქართველის მსაჯობა გახდა, რომელშიც რუსეთის სახელით მოჭიდავე დავით ჩაკვეტაძემ უკრაინელ ჟან ბელენიუკს მოუგო და ოლიმპიური ოქრო მოიპოვა.
იხილეთ ვიდეო
უკრაინაში მაშინვე გაჩნდა ეჭვი, რომ ყაზარაშვილმა თანამემამულის მხარე დაიჭირა და არაობიექტურად იმსაჯა. ამ ფაქტს უკრაინის სპორტის მინისტრიც კი გამოეხმაურა, რომელმაც განაცხადა, რომ მის თანამემამულეს
- უკრაინის სპორტის მინისტრი: ჩაკვეტაძეს ოლიმპიური ოქრო მსაჯმა ყაზარაშვილმა მოაგებინა!
ყაზარაშვილის გარდა, "მსაჯობის საეჭვო მანერის" გამო საქმიანობას სამხრეთკორეელი ტონ კინ ჩონი და რუსი სერგეი ნოვაკოვსკიც ჩამოაშორეს.
ჭიდაობის მსოფლიო ფედერაციის ეთიკური კომისია გამოძიებას ჩაატარებს, რის შემდეგაც არბიტრების წინააღმდეგ სანქციების დაწესება-არდაწესების გადაწყვეტილებას მიიღებს.
მანამდე თემურ ყაზარაშვილმა გაზეთ "ლელოსთან" ინტერვიუში აღნიშნა, რომ ბრალდებები მის მიმართ უსაფუძვლოა.
"არანაირ საყვედურს, მით უმეტეს, ბრალდებას არ მივიღებ, რადგან ცამდე მართალი ვარ ყველაფერში", - თქვა არბიტრმა.
- თემურ ყაზარაშვილი: მთელი სულით და გულით ჩვენს ბიჭებთან ვიყავი
