სპორტულმა საარბიტრაჟო სასამართლომ არ დააკმაყოფილა რუსეთის პარალიმპიური კომიტეტის სარჩელი და არ დაუშვა რუსი სპორტსმენები რიო-დე-ჟანეიროს პარალიმპიურ თამაშებზე.შეგახსენებთ, რომ 7 აგვისტოს გამოცხადდა საერთაშორისო პარალიმპიური კომიტეტის გადაწყვეტილება: რუსეთი არ არის დაშვებული 2016 წლის პარალიმპიურ თამაშებზე, ხოლო რუსეთის კომიტეტის მიმართ საქმეა აღძრული. საერთაშორისო კომიტეტმა ეს გადაწყვეტილება რიჩარდ მაკლარენის ანგარიშის გამოქვეყნების შემდეგ მიიღო.
ამ დოკუმენტში მოყვანილი იყო 35 პარალიმპიელის გვარი, რომლებიც 2014 წელს, სოჭის თამაშების დროს მონაწილეობდნენ დოპინგ-მაქინაციებში.
რუსეთის პარალიმპიურმა კომიტეტმა ეს გადაწყვეტილება სპორტულ საარბიტრაჟო სასამართლოში გაასაჩივრა. რუსულ მხარეს საუკეთესო ადვოკატები ჰყავდა, რომელთა
მაგრამ რუსეთის პარალიმპიურმა კომიტეტმა საქმე წააგო. გუშინ, სპორტულმა საარბიტრაჟო სასამართლომ საბოლოო გადაწყვეტილება მიიღო რუსეთის ნაკრებთან დაკავშირებით და კანონიერად მიიჩნია საერთაშორისო პარალიმპიური კომიტეტის პრეზიდენტის ფილიპ კრეივენის ვერდიქტი. შესაბამისად, 270 რუსი პარალიმპიელი რიოს ოლიმპიადის მიღმა დარჩა.
ყოველდღიური სპორტული გაზეთი "ლელო"
