ჰოლანდიურ უტრეხტში, ევროპის ახალგაზრდულ ოლიმპიურ ფესტივალზე ძიუდოისტი ერეკლე არხოზაშვილი 55 კილოგრამ წონით კატეგორიაში ჩემპიონი გახდა. ჭაბუკებში ევროპის შარშანდელი გამარჯვებული წლეულს ახალ წონაში გამოდის, თუმცა საჩემპიონო ტრადიციას აქაც აგრძელებს.
უტრეხტის ტატამზე ჩვენებურმა ბელარუს მაქსიმ ლესნიკს 2 იუკოთი მოუგო, თურქ აბდულატიფ კოპუზთან თვითონ დაკარგა იუკო, მაგრამ სანაცვლოდ ორი ვაზარი აართვა და წმინდად აჯობა.
იტალიელ ელიოს მანზის სამივე სინჯის გდება გაუკეთა და კვლავ სუფთად მოუგო, ნახევარფინალში კი ჰოლანდიის სახელით მოჭიდავე თორნიკე ჭკადუას გაფრთხილებებით მოუგო, ფინალში კი ბრიტანელი პეტერ მაილსი დააიპონა.
მედლამდე ერთი მოგება
