2 თებერვალს, სტამბულში დასრულებულ ვები ემრეს სახელობის საერთაშორისო ტურნირის დასკვნით დღეს საქართველოს ბერძნულ-რომაული სტილით მოჭიდავეთა ნაკრებმა კიდევ ერთი ბრინჯაოს მედალი მოიპოვა. მას 66 კილოგრამში მოასპარეზე ანტონ მამაგეიშვილი დაეუფლა, რომელსაც გადამწყვეტ პაექრობაში თანაგუნდელი არჩილ თურმანიძე არ გამოუცხადდა.
ამდენად, ჩვენმა სათადარიგო ნაკრებმა ეს პრესტიჟული შეჯიბრება 4 მედლით - 2-2 ვერცხლ-ბრინჯაოთი დაასრულა.
ტურნირის პირველ დღეს ფინალში მინდია წულუკიძე (71) და თორნიკე ძამაშვილი (80) გავიდნენ, მაგრამ წააგეს და ვერცხლს დასჯერდნენ, ბრინჯაო კი სოსო ჯაბიძემ (98) მოიპოვა.
![ბერძნულ-რომაული ჭიდაობა: რობერტ კობლიაშვილი ევროპის ჩემპიონია! [VIDEO]](/pictures/image7/5ad7566dc43e8d12af69db711588f0ff.jpg "ბერძნულ-რომაული ჭიდაობა: რობერტ კობლიაშვილი ევროპის ჩემპიონია! [VIDEO]")
