ჭაბუკ და ახალგაზრდა სამბისტთა გუნდები საევროპოდ დაკომპლექტდა

ამ დღეებში ზესტაფონის მიხეილ სალაძის სახელობის სპორტულმა დარბაზმა საქართველოს ჩემპიონატს უმასპინძლა ახალგაზრდა და ჭაბუკ სამბისტთა შორის, რომელიც ერთ-ერთი საკვანძო შეჯიბრებაა ევროპისა და მსოფლიოს ჩემპიონატებზე წასაყვანი გუნდის დასაკომპლექტებლად.

სწორედ ამიტომ შეჯიბრება საკმაოდ წარმომადგენლობითი გამოდგა, თუმცა ამინდის ჭირვეულობამ თავისი კვალი მაინც დაატყო - დასავლეთში წინა კვირას არსებული დიდთოვლობის გამო ზოგიერთი რაიონის გუნდმა ზესტაფონში ჩასვლა ვერ მოახერხა.

ჭაბუკთა შორის 1999-2000 წლებში დაბადებული მოზარდები ჭიდაობდნენ, ახალგაზრდებში კი ხალიჩა 1997-98 წლებში დაბადებულთათვის გაიშალა.

ევროპის ასაკობრივი ჩემპიონატი 18-22 აპრილს პრაღაში გაიმართება. გთავაზობთ საქართველოს ჩემპიონებს ორივე ასაკობრივ ჯგუფში.

ჭაბუკები
48 კგ. ელიზბარ თურქია (ფოთი)
52 კგ. გოგა ვარდოსანიძე (ზესტაფონი)
56 კგ. ამირან დარბაისელი (საგარეჯო)
60 კგ. საბა გრიგალაშვილი (თბილისი)
65 კგ. გაგა ბახტიძე (ზესტაფონი)
70 კგ. შალვა გაზაშვილი (ქარელი)
75 კგ. ტატო გრიგალაშვილი (ქარელი)
81 კგ. ლაშა მათიაშვილი (საგარეჯო)
87 კგ. გიორგი ეგნატაშვილი (ქარელი)
+87 კგ. ნიკა დონღვანი (ქუთაისი)

ახალგაზრდები
48 კგ. გიორგი ჭუმბურიძე (ქუთაისი)
52 კგ. ვასილ გაბიძაშვილი (ლენტეხი)
57 კგ. ჯაბა პაპინაშვილი (კასპი)
62 კგ. ირაკლი ხერგიანი (თბილისი)
68 კგ. დავით კოპაძე (გორი)
74 კგ. ალექსი ქიტიაშვილი (რუსთავი)
82 კგ. ლუკა მაისურაძე (ხაშური)
90 კგ. ნიკა სიდამონიძე (ქარელი)
100 კგ. დავით რამაზაშვილი (ახმეტა)
+100 კგ. დავით რაზმაძე (თელავი)

(იბეჭდება მცირე ცვლილებით)
ყოველდღიური სპორტული გაზეთი "ლელო"