იმისთვის, რომ ლევან გორგაძემ (ტოჩინოშინი) განაგრძოს სეკივაკეს ტიტულის შენარჩუნებისთვის ბრძოლა, აუცილებლად უნდა დაამარცხოს დიდი ჩემპიონი ჰაკუჰო. ეს კი ჩვენებურს 22 ურთიერთშეხვედრიდან ჯერ არასოდეს გაუკეთებია. ტოჩინოშინი თითქოს, ოძეკი გოეიდოსთანაც განწირული ჩანდა, მაგრამ ჩემპიონი იორიკირის ილეთით დაამარცხა და საბედისწერო, მე-8 მარცხს გადაურჩა. ტოჩინოშინს 2-7 ბალანსი აქვს. მან ყველა დარჩენილი ორთაბრძოლა უნდა მოიგოს.
ელიტაში დაბრუნებისთვის იბრძვის თეიმურაზ ჯუღელი (გაგამარუ), რომელსაც ძურიოს დივიზიონში 4-5 ბალანსი აქვს.
IX დღე (მნიშვნელოვანი ბრძოლები): იოშიკაძე-ჰარუმაფუჯი (ჰატაკიკომი), იკიოი-ჰაკუჰო (ჰატაკაკიკომი), კისენოსატო-ტერუნოფუჯი (იორიკირი), ტოჩინოშინი-გოეიდო (იორიკირი), ტოჩიოძანი-კაისეი (ოშიტაოში).
სატურნირო მდგომარეობა
8-1: კისენოსატო
7-2: ჰაკუჰო (იოკოძუნა), ჰარუმაფუჯი (იოკოძუნა), ტაკარაფუჯი (მაეგაშირა 2), იოშიკაძე (მ 5).. 2-7: ტოჩინოშინი (სეკივაკე).
X დღე (მნიშვნელოვანი წყვილები): ჰაკუჰო-ტოჩინოშინი, ჰარუმაფუჯი-ტაკაიასუ, ტოჩიოძანი-გოეიდო, ტერუნოფუჯი-იკიოი, კისენოსატო-შოჰოზანი.
