სერბეთში, ჭაბუკთა მსოფლიოს პირველობაზე 25 აგვისტოს საქართველოს ნაკრებმა კიდევ ერთი მედალი მოიპოვა - გივი მაჭარაშვილი 100 კილოგრამში მესამეზე გავიდა, რითაც ევროპის პირველობაზე წაგება ნაწილობრივ გამოისყიდა. ჩვენებურმა იოლად მოიგო პირველი შეხვედრა ლიტველ დენის ნედობორთან - 8:0 და წმინდა მოგება პირველივე პერიოდში.
სამაგიეროდ, მეორე პაექრობა ასევე სუფთად დათმო რუსთა მომავალ ჩემპიონ ზნაურ კოჩიევთან დამარცხდა - 0:6.
მაჭარაშვილი დამამშვიდებელში იოლად გაუსწორდა ჯერ ინდოელ გურსევაკ სინგჰს - 3:0; 5:3, ხოლო ბრინჯაოსთვის ბრძოლაში სომეხი მერუჯან ნიკოიანი 1:0; 5:0 დაჯაბნა.
სამწუხაროდ, კვირას მოასპარეზე დანარჩენი ქართველები პირველივე
ამდენად, მსოფლიოს ჩემპიონატი ჩვენმა ნაკრებმა 3 მედლით დაასრულა - 1 ვერცხლი და 2 ბრინჯაო. ვიცე-ჩემპიონი რამაზ ზოიძე (58) გახდა, ირაკლი მხეიძე (50) კი, მაჭარაშვილის მსგავსად, მესამეზე გავიდა.
ასევე იხილეთ:
ქართველმა ჭაბუკებმა მსოფლიოს ჩემპიონატზე გამოსვლა ვერცხლ-ბრინჯაოთი დაიწყეს
