შვეიცარიის ადელბოდენში მამაკაცებს შორის გიგანტური სლალომით გაგრძელდა მსოფლიოს თასის გათამაშება. როგორც მოსალოდნელი იყო, გამარჯვება ავსტრიელმა მარსელ ჰირშერმა მოიპოვა: დღეს მას მსოფლიოს ტურში თითქმის არ ჰყავს კონკურენტი ტექნიკურ დისციპლინებში.
უკვე პირველი ცდის შემდეგ ჰირშერი კომფორტულად ლიდერობდა - მსოფლიოს თასის მოქმედ მფლობელს ნახევარწამიანი უპირატესობა ჰქონდა გერმანელ ფელიქს ნოიროიტერზე. ავსტრიელს მეორე დაშვება კიდევ უფრო უკეთესი გამოუვიდა და ეტაპი სოლიდური სხვაობით მოიგო - წამი და 13 მეასედი.
ნოიროიტერმა ვერ შეინარჩუნა მეორე ადგილი, რადგან მეორე ცდაზე რამდენიმე შეცდომა დაუშვა და საერთოდ ვერ ავიდა პოდიუმზე. მეორე
რაც შეეხება კრისტოფერსონს, ის პირველი ცდის შემდეგ მეოთხე ადგილიდან მესამეზე გადავიდა. ახალგაზრდა ნორვეგიელმა ტალანტმა ისარგებლა ნოიროიტერის შეცდომებით და ტედ ლიგეტის წარუმატებელი გამოსვლით. ლიგეტი ამ დისციპლინის ერთ-ერთ ლიდერად მიიჩნევა, მაგრამ, ამჯერად, პირველ ცდაზე მეხუთე იყო, ორი დაშვების ჯამში - მეშვიდე.
ჰირშერმა სეზონში მეექვსე გამარჯვება მოიპოვა და 15 ეტაპის შემდეგ დამაჯერებლად ლიდერობს გენერალურ კლასიფიკაციას ნორვეგიელ ჩეტილ იანსრუდთან 152-ქულიანი ჰანდიკაპით.
ყოველდღიური სპორტული გაზეთი "ლელო"
