მსოფლიოს ანტისადოპინგო სააგენტო სპორტული საარბიტრაჟო სასამართლოს მეშვეობით ცდილობს გააუქმოს საერთაშორისო ოლიმპიური კომიტეტისა და ჰოკეის საერთაშორისო ფედერაციის გადაწყვეტილება, რომლითაც, თავის დროზე, გაამართლეს შვედეთის ნაკრების ფორვარდი ნიკლას ბექსტრიომი.დადებითი დოპინგ-სინჯის გამო 26 წლის ჰოკეისტმა ვერ ითამაშა სოჭის ოლიმპიადის ფინალში კანადის ნაკრების წინააღმდეგ. ფორვარდმა დაარღვია ანტისადოპინგო წესები, როცა ალერგიის საწინააღმდეგო წამალი მიიღო. ის ფსევდოეფედრინს შეიცავდა, რომელიც ანტისადოპინგო სააგენტოს მიერ შედგენილი აკრძალული პრეპარატების სიაში შედის.
მოგვიანებით, B სინჯმაც დადებითი შედეგი აჩვენა, მაგრამ საერთაშორისო ოლიმპიური კომიტეტის სადისციპლინო კომისიამ დაადგინა, რომ ბექსტრიომს შეგნებულად არ მიუღია დოპინგი.
ყოველდღიური სპორტული გაზეთი "ლელო"
