ფოტო: fencing.ge
19 ივნისს გერმანიის ქალაქ დიუსელდორფში მოფარიკავეთა შორის ევროპის ჩემპიონატი მიმდინარეობს, სადაც ქართველი სპორტსმენებიც გამოდიან.
დღეს ინდივიდუალურ შეჯიბრებაში ხმლით მოფარიკავეები: სანდრო ბაზაძე, ბექა ბაზაძე, მიხეილ მარდალეიშვილი და ნიკა შენგელია ჩაერთნენ.
საქართველოს ოთხივე მონაწილემ დაძლია ჯგუფი და შემდეგ ეტაპზე გადავიდა.
სანდო ბაზაძემ ჯგუფში ყველა შეხვედრა მოიგო და პირველი ადგილით შემდეგ ეტაპზე გავიდა. რადგან ბაზაძეს მეტოქე 1/32-ფინალში არ ეყოლება, ის პირდაპირ 1/16-ფინალში გადავიდა. სანდრო შესანიშნავად ასპარეზობს, რაც გასაკვირი არ უნდა იყოს, რადგან ის ტურნირის ერთ-ერთი ფავორიტია.
ყველაზე საინტერესო კი ის არის, რომ მიხეილ მარდალეიშვილი 1/32-ფინალში მაკენსი ლამბერტს ხვდება და თუ მოიგო, 1/16-ფინალში სწორედ სანდრო ბაზაძეს შეხვდება და ქართული დუელი შედგება.
ბექა ბაზაძემ ექვსიან ჯგუფში 2 შეხვედრა მოიგო და მესამე ადგილი ერგო. ბექა შემდეგ ეტაპზე უკრაინელ იური ცაპის შეხვდება.
ნიკა შენგელიამ და მიხეილ მარდალეიშვილმა ჯგუფში 3-3 შეხვედრა მოიგეს და მე-4 ადგილები დაიკავეს. შენგელია შემდეგ ეტაპზე ისლანდიელ ანდრი მატეევს შეხვდება და მოგების შემთხვევაში 1/32-ფინალში რუს დმიტრი დანილენკოს დაუპირისპირდება.
