გურამ კაშია: ფეხბურთი და გასახდელი ისეთი რამეა, სადაც კვერცხებით უნდა შეხვიდე

დანიასთან მატჩისწინა პრესკონფერენციაზე საქართველოს ნაკრების მცველმა გურამ კაშიამ შემდეგი განაცხადა:

"სამწუხაროა, რომ ბოლო კვირებში კლუბში თამაში არ მომიწია, მაგრამ უახლოეს მომავალში ალბათ, მომეცემა შანსი.

ამერიკიდან ფრენას რაც შეეხება, ვვარჯიშობ და კვირაში ორჯერ თამაში შემიძლია.

დანიის ნაკრები ძალიან დიდი გუნდია. ჯგუფში რთული მდგომარეობა აქვთ და ხვალ აუცილებლად სამი ქულისთვის გამოვლენ. ჩვენ ტაქტიკურად გამართულად უნდა ვითამაშოთ, განსაკუთრებით, დაცვაში.

90 წუთის განმავლობაში გიბრალტარმაც შეგვიქმნა მომენტი და ეს ჩვენც უნდა მოვახერხოთ.

დღევანდელ დროში, ეროვნულ ნაკრებში როდესაც ხარ, ხარ კაცი. არ უნდა გჭირდებოდეს ვეტერანების დარიგება.

არავის ჭკუის დარიგება არ უნდა გჭირდებოდეს.

ამიტომ, ჩემი მხრიდან, ვინმეს რამე ჭკუის დარიგება რომ დავუწყო, არ იქნება სწორი.

ფეხბურთი და გასახდელი ისეთი რამეა, სადაც კვერცხებით უნდა შეხვიდე. ისეთი ბიჭები გვყავს, რომ თავს გაართმევენ.

ფიზიკურად უნდა ვიყოთ მზად. ახალგაზრდებს ფიზიკური მზადყოფნა უფრო მოეთხოვებათ, ვიდრე ფსიქოლოგიური".

sportall.ge-ს ჟურნალისტი ბაჩო შურღაია კოპენჰაგენიდან

ვლადიმირ ვაისი: შესაძლოა, ლობჟანიძემ ითამაშოს - კვარაცხელიაც, ალბათ, ითამაშებს