უპირობო ფავორიტი? - რას წარმოდგენს "ტორპედოს" მეტოქე ყაზახური "ორდაბასი"

"ორდაბასი" ახალგაზრდა ყაზახური კლუბია. გუნდი 1998 წელს ჩამოყალიბდა, სახელწოდებით "დოსტიკი" და ის ორი კლუბის ("ტომირისი" და "ჟიგერი") გაერთიანებით შეიქმნა.

კლუბის მოკლე ისტორია და სტადიონი

მოგეხსენებათ, "ორდაბასის" მთავარი მწვრთნელი ქართველი კახაბერ ცხადაძე გახლავთ, რომელმაც ყაზახური გუნდი 1 წლის წინ ჩაიბარა.

ფეხბურთელები და სატრანსფერო ფასები (ევროში)

"ორდაბასის" რიგებში 25 ფეხბურთელი ირიცხება და მათი ერთიანი სატრანსფერო ფასი 15,88 მილიონი ევროა. ფეხბურთელთა საშუალო ასაკი 27,6 წელი გახლავთ. მათგან  ეროვნული ნაკრების 7 წევრი (ყველა ყაზახეთის ნაკრების) გახლავთ და 7 ლეგიონერია.

მეკარეები

• დმიტრო ნეპოგოდოვი - 1 400 000
• ბეხან შაიზადა - 125 000

მცველები

• სერგეი მაილი - 1 200 000
• პაბლო ფონტანელო (არგ) - 1 200 000
• დამირ დაუტოვი - 250 000
• თემირლან ერლანოვი - 850 000
• მარატ ბისტროვი - 600 000
• ტალგატ ადირბეკოვი - 100 000

ნახევარმცველები

• აბდულაი დიახტე (სენ) - 1 300 000
• ულან ჟაკსიბაევი - 200 000
• ვალერი კორობკინი - 150 000
• მაი მალანგუ (სამ. აფრ) - 1 100 000
• კირილო კოვალჩუკი (უკრ/მოლდ) - 400 000
• ტიმურ დოსმაგამბეტოვი - 750 000
• მირზად მეჰნოვიჩი (ბოჰ) - 400 000
• ადილხან დოლბაი - 75 000

თავდამსხმელები

• მარდან ტოლებეკი - 700 000
• ვიტალი ლი - 200 000
• ელხან ასტამოვი - 50 000
• ჟოაუ პაულუ (ბრა) - 1 500 000
• ზიგი ბადიბანგა (ბელ/კონგო) - 1 000 000
• სამატ შამში - 200 000
• ალეკსეი შჩეტკინი - 1 800 000
• ტოკტარ ჟანგილიშბაი - 600 000
• მადიჟან აიტბაევი - 25 000

როგორც ხედავთ, "ორდაბასის" ყველაზე ძვირად ღირებული ფეხბურთელი "ასტანადან" გადმოსული ალეკსეი შჩეტკინი გახლავთ, მაღალი და ფიზიკურად ძლიერი თავდამსხმელი, რომელსაც მიმდინარე ჩემპიონატში 1 გოლი აქვს გატანილი.

ყველაზე სახიფათო ფეხბურთელი კი გუნდში ჟოაუ პაულუ გახლავთ. ის "ლუდოგორეციდან" 2019 წლის 1-ელ ნოემბრამდე იჯარით არის აყვანილი. ჟოაუ პაულუმ წლევანდელ ჩემპიონატში 9 გოლი გაიტანა და გუნდის საუკეთესო ბომბარდირია. ასევე, კარიერის საუკეთესო სეზონს ატარებს 26 წლის ყაზახი თავდამსხმელი ტოკტარ ჟანგილიშბაი, რომელმაც ჩემპიონატში 7 გოლი გაიტანა და ეს მის კარიერაში გატანილი გოლების 1/3-ზე მეტი გახლავთ.

გუნდში ირიცხება ბელგიელ/კონგოელი ფორვარდი ზიგი ბადიბანგა, რომელმაც შარშან "ტორპედოს" "შერიფის" მაისურით 2 გოლი გაუტანა. თუმცა, წელს ბადიბანგა არც ისე კარგად გამოიყურება და გოლი არ გაუტანია, არც ძირითად შემადგენლობაში უთამაშია.

"ორდაბასის" "ლუდოგორეციდან" კიდევ ერთი ფეხბურთელი ჰყავს იჯარით აყვანილი. მაი მალანგუ სამხრეთაფრიკელი ფეხბურთელია, რომელიც ცენტრალური ნახევამცველის პოზიციაზე გამოდის, სხვადასხვა ქვეყანში უთამაშია: შვედეთში, თურქეთში, ბელგიაში; "ლუდოგორეცში" გადასვლამდე ბუქარესტის "დინამოში" თამაშობდა. ის "ორდაბასის" მნიშვნელოვანი ფეხბურთელია და გუნდის ნახევარდაცვის საყრდენს წარმოადგენს. მისი მეწყვილეა აბდულაი დიახტე, რომელიც გუნდის ერთ-ერთი ძვირად ღირებული ფეხბურთელია და საყრდენის პოზიციაზე თამაშობს. მას კარიერის დიდი ნაწილი ყაზახეთის ჩემპიონატში აქვს გატარებული.

გუნდის კაპიტანი კი, არგენტინელი მცველი პაბლო ფონტანელო გახლავთ. ის "ორდაბასის" რიგებში 2017 წლიდან გამოდის. იქამდე კი ეკატერინებურგის "ურალში" თამაშობდა. მისი მეწყვილე ყაზახეთის ნაკრების ცენტრალური მცველი სერგეი მაილი გახლავთ, რომელთანაც ქართველებს კარგი მოგონება გვაქვს - სწორედ მან გაიტანა საკუთარ კარში გოლი ყაზახეთთან ერთა ლიგაზე გასვლაზე მოგებულ შეხვედრაში (0:2).

საინტერესო ფეხბურთელი გახლავთ "ორდაბასის" მეკარე დმიტრო ნეპოგოდოვი (199 სმ), რომელიც ერთ დროს "მარსელში" ირიცხებოდა და საფრანგეთის ვიცე-ჩემპიონიც გახდა, თუმცა ლიგა 1-ში შეხვედრა არ ჩაუტარებია. ნეპოგოდოვი საკმაოდ კარგად ასპარეზობს ბოლო დროს და 30 წლის ასაკში ჰქონდა დებიუტი ყაზახეთის ნაკრებში.

მოლოდინი

ყაზახური გამოცემა informburo.kz აქვეყნებს სტატიას მომავალ დაპირისპირებაზე. ყაზახების აზრით, "ორდაბასის" უდიდესი პლუსი აქვს, მას ქართველი მწვრთნელი უდგას სათავეში, რომელმაც ქართული ფეხბურთი შესანიშნავად იცის. გარდა ამისა, ჟურნალისტის თქმით, შიმკენტელების ბიუჯეტი "ტორპედოს" ბიუჯეტზე 3-ჯერ მეტია (როგორც ჩანს, ბოლოდროინდელ ინფორმაციას არ ფლობენ). გამოცემა ვარაუდობს, რომ ამ დაპირისპირებაში დამარცხება უდიდესი დარტყმა იქნება კახაბერ ცხადაძისათვის, რომელსაც ასეთ პირობებში წაგების შემთხვევაში სერიოზულად, პირველ რიგში, საქართველოში არავინ შეხედავსო. თუმცა, საერთო ჯამში, ყაზახების განწყობა უპირობო გამარჯვებისკენ იხრება.

მართლაც რთულ მდგომარეობაშია "ტორპედო", თუმცა ეს კაპიტულაციას არ ნიშნავს. ძლიერი მოწინააღმდეგეა, გამართული სისტემითა და ბიუჯეტით. თუმცა ვნახოთ, ფავორიტად შერაცხულები ხშირად აგებენ და რატომ არ შეიძლება ყაზახურმა "ორდაბასიმ" წააგოს?