კარგი ამბავი "საბურთალოსთვის" - ზაგრების "დინამო" უეფამ დასაჯა

AutoSharing Option
"საბურთალომ" ჩემპიონთა ლიგის მეორე საკვალიფიკაციო ეტაპზე გასვლა მოახერხა და  აღნიშნულ ეტაპზე ხორვატიის ჩემპიონ ზაგრების "დინამოს" შეხვდება.

პირველი მატჩი 23 ივლისს თბილისში გაიმართება, ხოლო საპასუხო - 30 ივლისს ზაგრებში.

მნიშვნელოვანი ფაქტი ის გახლავთ, რომ ზაგრების "დინამო" დასჯილია და უეფას ეგიდით გასამართ 2 მატჩს მაყურებლის გარეშე ჩაატარებს.

ეს გადაწყვეტილება უეფას სადისციპლინო კომიტეტმა 2019 წლის 1-ელ აპრილს მიიღო, რისი მიზეზიც  ზაგრების "დინამოსა" და "ბენფიკას" შორის ევროპალიგის 1/8-ფინალის პირველ მატჩში მომხდარი დარღვევები გახლდათ.

იმ შეხვედრაში მასპინძელი ქომაგები რასისტული გამოხდომებით გამოირჩეოდნენ; ისროლეს ფოიერვერკი, რომელმაც ხელი
შეუშალა თამაშს; რეგულარულად ყრიდნენ სხვადასხვა საგანს მოედანზე და უსაფრთხოების ნორმებიც დაბალ დონეზე იყო დაცული. 

ეს იმას ნიშნავს, რომ საქართველოს ჩემპიონს არ ექნება წნეხი მასპინძელი გუნდის გულშემატკივრების მხრიდან და ეს გარკვეული შეღავათია.

altრამდენი მილიონი ლარი გამოიმუშავა "საბურთალომ" ჩემპიონთა ლიგაზე?

მკითხველის კომენტარები / 9 /
რა უნდა ქნას საბურთალომ ჯგუფურ ეტაპზე? შერიფთან ძლივს იდგნენ ფეხზე, ვაი თქვენს პატრონს.
ვასო
09:22 20-07-2019
2
ზაგრების დინამოსთვის, ცარიელ სტადიონზე თამაშთან ერთად, 0:3 წაგება სამართლიანი სასჯელი ინებოდა. იმსახურებენ რომ საბურთალოსთან 0:3 წაგება ჩაეთვალოთ სახლში. როგორ შეიძლება რასისტული გამოხტომები გულშემატკივრების მხრიდან? სად გაგონილა ეს? შეშფოთებული ვარ პირდაპირ!
ლუკა კუ
04:53 18-07-2019
5

სიახლეები პოპულარული