პირველ აგვისტოს თბილისის მეტრო 00:00 საათამდე იმუშავებს. ამის მიზეზი კი თბილისის "დინამოსა" და "გაბალას" შორის მატჩია.
გუნდებს შორის ევროპა ლიგის მეორე საკვალიფიკიაციო ეტაპის საპასუხო მატჩი "დინამო არენაზე" 21:00 საათზე დაიწყება.
როგორც თბილისელთა Facebook-გვერდი იტყობინება, ამ დღეს მეტრო 23:00 საათის ნაცვლად ღამის 12 საათამდე იმუშავებს.
"პირველ აგვისტოს, მატჩის დღეს, თბილისის მეტროპოლიტენი ღამის 12.00 საათამდე იმუშავებს. ქალაქის მერიამ გაითვალისწინა რა ჩვენი კლუბის თხოვნა და გულშემატკივართა დიდი ინტერესი, ერთი საათით გადასწია მეტროპოლიტენის სამუშაო გრაფიკი, რათა გულშემატკივარს "გაბალასთან" მატჩის დასრულების შემდეგ უპრობლემოდ შეეძლოს ტრანსპორტით სარგებლობა. ჩვენი მხრიდან, მადლობას ვუხდით ქალაქის მერს და მერიის სამსახურს", - ვკითხულობთ განცხადებაში.
თბილისის "დინამოსა" და "გაბალას" პირველი შეხვედრა აზერბაიჯანში ქართველი ფეხბურთელების გამარჯვებით, 2:0 დასრულდა.
მათ კი, ვინც სტადიონზე მისვლას ვერ მოახერხებს, შეხვედრის ნახვა "პირველი არხის" საშუალებით შეეძლებათ.
![alt](/pictures/image50/c6b80e1e7a4e65b4c61e09a694e5f5c1.jpg "სასიხარული ინფორმაცია - "დინამოსა" და "გაბალას" მატჩის დღეს მეტროპოლიტენი ღამის 12 საათამდე იმუშავებს")
თბილისის "დინამოს" მცველი: ჩვენი ოცნებაა, სტადიონი გაივსოს; მჯერა, მინდორს თავაწეულები დავტოვებთ![alt](/pictures/image50/fd790e0f7f9f58f869c8b7b317a3756f.jpg "სასიხარული ინფორმაცია - "დინამოსა" და "გაბალას" მატჩის დღეს მეტროპოლიტენი ღამის 12 საათამდე იმუშავებს")
ლევან კუტალია: მზად ვართ "გაბალასთან" სრული რევანში ავიღოთ![Sportall.Ge](/pictures/artimages/original/c41d6bcf28c3701ca96b30d78e300d2e.jpg "სასიხარული ინფორმაცია - "დინამოსა" და "გაბალას" მატჩის დღეს მეტროპოლიტენი ღამის 12 საათამდე იმუშავებს")
