ჩისკო: "გაბალასთან" გულშემატკივართა მხარდაჭერა გვჭირდება

მთავარმა მწვრთნელმა მომცა შანსი, დღეს თქვენ წინაშე მე წარვმდგარიყავი - ასე უპასუხა ჩისკომ აზერბაიჯანელი ჟურნალისტის კითხვას, თუ რატომ მართავდა პრესკონფერენციას ის და არა მთავარი მწვრთნელი ფელის ვისენტე.

"გუნდი მატჩისთვის ემზადება. ჩვენ ისევ ისე ვითამაშებთ, როგორც პირველ შეხვედრაში, მით უმეტეს, იქიდან გამომდინარე, რომ მეტოქე საკმაოდ ძლიერია.

წინა შეხვედრაში აბდელ მეჯუბის განაცხადიდან ამოვარდნა ჩემი პირადი გადაწყვეტილება იყო. შემიძლია გითხრათ, რომ ხვალინდელ მატჩში ის განაცხადში იქნება.

ლევან შენგელია ჯერჯერობით ჩვენი მნიშვნელოვანი მოთამაშეა. დარწმუნებული ვარ, ბოლომდე დაიხარჯება, მის პროფესიონალიზმში ეჭვი არ გვეპარება. საკმაოდ მაღალი დონის მოთამაშეა იმისთვის და გასაკვირია არაა, რომ მისით დიდი კლუბები ინტერესდებოდნენ.

ეროვნულ ლიგაში ძალიან რთული კალენდარი გვაქვს. ჩვენი გეგმები მთლიანად "გაბალასთან" არის დაკავშირებული. ამის შემდეგ ვიფიქრებთ "ლოკომოტივთან" მატჩზე.

ხვალ გულშემატკივართა თანადგომა გვჭირდება. რთული თამაში გვექნება. ამიტომ ყველა ქომაგი, ჩათვალეთ, რომ უფრო გაგვაძლიერებს. მინდა ვთხოვო ყველას, რომ მოვიდნენ და მხარი დაგვიჭირონ.

რა თქმა უნდა, ყველა მატჩი ერთმანეთისგან განსხვავდება. ბურთის პირველიდან უკანასკნელ შეხებამდე ბოლომდე უნდა ვითამაშოთ. დარწმუნებული ვარ, ბოლომდე კონცენტრირებულები ვიქნებით და გუნდი არ მოდუნდება", - განაცხადა ჩისკომ.