ფოტო: facebook.com/georgianaquaticsportsnationalfederation
ბულგარეთში, ქალაქ ბურგასში 21 ივლისს საქართველოს 15 წლამდე ვაჟ წყალბურთელთა ნაკრებმა ევროპის ჩემპიონატი რუსეთის მატჩით დაიწყო.
ერთი კვირის წინ სტამბულის საერთაშორისო ტურნირზე საქართველოს 15 წლამდე წყალბურთელთა ნაკრებმა რუსი თანატოლები 4 ბურთის სხვაობით დაამარცხა და გამარჯვებასთან ბულგარეთშიც ახლოს იყო. ბოლო მეოთხედის წინ ჩვენი ნაკრები 4-ბურთიანი სხვაობით ამარცხებდა მეტოქეს. ქართველი წყალბურთელები თამაშის დასრულებამდე 52 წამით ადრეც წინ იყვნენ, თუმცა საბოლოოდ რუსებმა ანგარიში გაათანაბრეს და შეხვედრაც ასე დასრულდა - 9:9.
საქართველო - რუსეთი 9:9 (5:2, 1:1, 3:2, 0:4)
საქართველო: ჩაგელიშვილი, კოზაშვილი (1), ბაგაშვილი (1), ბეგიაშვილი, ს. ტყეშელაშვილი, ახვლედიანი (3), ვასაძე, გორგოძე, კირიაკიდი (1), ჩიქოვანი (3), ცოტაძე, ნ. ტყეშელაშვილი (1).
ახალგაზრდა ქართველი წყალბურთელები დღეს, 22 ივლისს იტალიის გუნდს დაუპირისპირდებიან.
