დღეს, 2 სექტემბერს სლოვაკეთის დედაქალაქ ბრატისლავაში ძიუდოისტთა "ევროპის ღია თასის" ფინალში ბექა ღვინიაშვილმა ავთანდილ ჭრიკიშვილი დაამარცხა.
ბრძოლა საკმაოდ დაძაბული გამოდგა, ორივე ძიუდოისტი ცდილობდა პოზიციური უპირატესობის მოპოვებას, თუმცა რაღაც მომენტში ბექა ღვინიაშვილმა ავთანდილ ჭრიკიშვილი ილეთზე დაიჭირა, გდება განახორციელა და ერთი ქულით დაწინაურდა. ჭრიკიშვილის მცდელობების მიუხედავად ღვინიაშვილმა თავი კარგად დაიცვა და გამარჯვება მოიპოვა.
ტურნირის ნახევარფინალში ბექა ღვინიაშვილმა კანადელი მოჰაბ ელ ნაჰასი დაამარცხა. ხოლო ავთანდილ ჭრიკიშვილს საკმაოდ რთული დაპირისპირება გამოუვიდა რუს რომან დონსტოვთან, რომელიც დამატებით დროში იპონით დაამარცხა.
ტურნირს მეოთხედფინალში კანადელ მოჰაბ ელ ნაჰასთან დაპირისპირებაში პაატა ღვინიაშვილი ტურნირს გამოეთიშა და ქართული ნახევარფინალი არ შედგება.
მოგეხსენებათ, ბექა ღვინიაშვილი და ავთანდილ ჭრიკიშვილი ამ წონაში მსოფლიოს ჩემპიონატზე წასასვლელად ერთმანეთის კონკურენტად განიხილებოდა და დიდი ალბათობით ამ გამარჯვებით წამსვლელის ბედი ოფიციალურად გადაწყდა.
მსოფლიო ჩემპიონატზე წამსვლელთა განაცხადში ამ დროისთვის უშანგი მარგიანი და გიორგი პაპუნაშვილი არიან დარეგისტრირებულები. გიორგი პაპუნაშვილს კი დიდი ალბათობით ბექა ღვინიაშვილი ჩაანაცვლებს, ხოლო უშანგი მარგიანს პლანეტის შარშანდელ პირველობაზე მოპოვებული ბრინჯაოს გამო განაღდებული აქვს ეს უფლება.
17:45 02-09-2018
დაძაბულ ბრძოლაში ბექა ღვინიაშვილმა ავთანდილ ჭრიკიშვილი დაამარცხა [VIDEO]
AutoSharing Option
მკითხველის კომენტარები / 50 /
თარიღის მიხედვით
მოწონებების მიხედვით
მე ვერ გავიგე რატომ ააჩოჩეს წინა მწვრთნელის დროს ხელოვნურად ჭრიკიშვილი 90 კგ-ში? მისი ოპტიმალური წონაა 81 კგ! მითუმეტეს, რომ 81 კგ-ში ძლიერი ძიუდოისტები არა გვყავს! ყველაფრის მოგვარება ერთი ხელის მოსმით შეიძლება.
3
4
იმიტომ რომ წონას ვეღარ იკლებდა
1
0
გამოსავალი მარტივია! ზვიადაური ავირჩიოთ პრეზიდენტად, შემდეგ ის "სთხოვს" ღვინიაშვილს, რომ ჩამოინაცვლოს 81კგ~ში და ყველაფერი მოგვარდება, აბა 100კგ~ში ხომ არ აინაცვლებს იქ "კაპიტანია".
13
10
ეს მთელი კომენტარი ანაცვლება-ცანაცვლებაზე მე მგონი ცინიზმით დაწერილი ხუმრობაა :) არაფერ შუაშია უნდა იყოს, ამ შემთხვევაში მაინც სიდედრი :))))
0
0
ეს კომენტარი ჭრიკიშვილი, ზვიადაური და ჭრიკოს სიდედრის შემოქმედებაა. ჭრიკოს სიდედრი მალე მთელი სპორტის საქმეების ხელმძღვანელობას მოითხოვს.
13
2
ჭრიკიშვილმა თქვა უკვე თავისი სიტყვა და დარჩება, როგორც ერთ-ერთი საუკეთესო მოჭიდავე.... ბექას კიდევ მომავალი წინ აქვს და ჯერ კიდევ დასამტკიცებელი აქვს მისი შესაძლებლობები.... ორივე პერსპექტიულია და საუკეთესო.. წარმატებები... ისე ავთო 81-ში რომ გამოდიოდეს უკეთესი იქნება და ეს გაუგებრობაც არ მოხდებოდა.... მაგრამ ეს ამ ბიჭების ბრალი არ არის.... ვინც წყვეტს მათ ბედს ცოტა მეტად უნდა გაანძრიოს ტვინი.... და ყველაფერი დააორგანიზოს ისე რომ ბიჭები ერთმანეთს არ დააპირისპიროს...
10
5
ბექას მოჭიდავისთვის ერთი დიდი ფიზიკური ნაკლი აქვს მოკლე ხელები ამიტომ იძულებულია ყველას ახლოდან ეჭიდავოს ეს კი ყოველთვის დიდი რისკია.ამიტომაც ტოპ მოჭიდავეებთან ყოველთვის უჭირს.მათ ერთმანეთი შესწავლილი აქვთ.რაც შეეხება ავთოს ის ახალი გადასულია უფრო მძიმე წონაში შედეგი უკვე აქვს.დანარჩენს მომავალი გვიჩვენებს.
5
16
ბექას რატო ჩაუვარდა მომზადება მსოფლიოსთვის საინტერესოა, პირიქით უკეთესად წაადგება, მეტი თავდაჯერებულობა და ფსიქოლოგიური სიმტკიცე მიიღო.ამ სხვატკის დამსახურება იქნება ბექას მოგებული ოქრო ბაქოში.ვისაც არ გიჭიდავიათ, არ იცით რას ითვალისწინებს მომზადება: შეჯიბრს, სხვატხას, სირბილს, ძილს თუ რას, გთხოვთ ნუ აკეთებთ ,,პროფესიონალურ'' კომენტარებს. ბექა მეტად გაიხსნება მსოფლიოსათვის და მოიგებს მსოფლიოს. იაპონელების არ გვეშინია, საშიშია ამ წონაში რუსეთი და აზერბაიჯანი.
4
8
ორივე მაღალი კლასის სპორცმენია ნამდვილად, ეგაა ჭრიკიშვილს უფრო გამარჯვებულის ფსიქოლოგია აქვს და ეგ ბევრს ნიშნავს ძიუდოში, ბექამ ადრე ჩათვალა რომ ყველაფერი მოიგო და ზრდა შეაჩერა რაღაც მომენტში, მწვრთნელებმა უნდა გადაწყვიტონ ვინაა მზად მსოფლიო ჩემპიონობისთვის ფსიქოლოგიურად და ფიზიკურადაც, ჩვენ ტყუილად ვლაპარაკობთ, მარა სადაა მწვრთნელი და სელექცია მიშვებულია ყველაფერი. ხალიმურზაევი 30 ე იყო ოლიმპიადაზე რეიტინგით ყავდა უფრო ზლიერები რუსებს მაგრამ მწვრთნელმა დაინახა მასში რაღაც რასაც ჩვენ ვერ ვხედავთ წაიყვანა და გახდა ოლიმპიური ჩემპიონი!!! საქმე მცოდნემ უნდა აკეთოოოს..........
8
9
ძალიან ვიყავი გაორებული ამ ფინალის შემყურე. პრინციპში, ისე მოხდა როგორც უნდა მომხდარიყო, ამ ეტაპზე ბექა უფრო ძლიერია, თუმცა ჭრიკიშვილი მაინც სხვაა, ჯერ მარტო მისი დგომა არის სხვა რამე, წელში გამართული რომ მიდის წინ და მასთან ყველა უკან-უკან იხევს ვინც არ უნდა ედგეს პირისპირ. ჭრიკიშვილი ლეგენდაა, ჭრიკიშვილი მსოფლიო ძიუდოს ნაწილია, ჭრიკიშვილი საქართველოს ყველა დროის ყველაზე დომინანტი ძიუდოისტია. ის ძიუდოს დიდების დარბაზის წევრია და ისეთი ძიუდოისტების გვერდით დაიკავებს ადგილს როგორებიც არიან იამასიტა, ტედი რინერი, რიოკო ტანი და სხვები. ნუ დაივიწყებთ ჰაერში გაფრენილ პიეტრებს, ვალუა ფორტიეებს, ნოფონტოვებს და ა.შ. მასზე ცუდად ნუ ისაუბრებთ, უხერხულია და მან დაიმსახურა რომ ვაპატიოთ ცოლის და მისი სადაქალოს მეტიჩრობები. ეს ჩემი აზრია
24
8
თუ ჭიდაობას უყურეთ ჭრიკიშვილის უკეთესი ნაჭიდავებს სად ხედავთ? ჭრიკიშვილი ვერაფერს მიაღწევს ამ წონაში რადგანაც ეგ მისი წონა არ არის და მის წონაშიც ერთხელ გახდა მსოფლიოს ჩემპიონი ხოლო ორივე ოლიმპიადაზე უმედლოდ დარჩა. ჭრიკიშვილი თუ შეძლებს ძველ წონაში დაბრუნებას და ფორმის აღდგენას შეიძლება მიაღწიოს წარმატებებს ხოლო 90 კილოში ასეთ დაბალი დონის მასტერსებს თუ მოიგებს ისიც იმ შემთხვევაში თუ მასზე ძლიერს არ გამოიწვევს
10
5
სამწუხაროა რომ ძიუდოში დაპირისპირება გრძელდება თუნდაც შიდა იყოს. ფედერაციის არჩევნებია დასანიშნი , ყველაფერი აირია, უზნაძის დროს შეკრული გუნდი ჩანდა და შედეგიც იდებოდა. იაპონელების დამარცხება ხომ საერთოდ ნებისმიერ წონაში სანატრელი გაგვიხდა... რა დრო იყო როცა იაპონიასაც ვჯობდით...
10
1
შეხვედრა ვნახეთ ყველამ, გაიმარჯვა ღვინიაშვილმა მარა ფაქტობრივად იჭიდავა ჭრიკიშვილმა, ბექა ისევ მოხრილი, დაცვაში, ქულის შენარჩუნებაზე იყო, ასეთი ჭიდაობით მსოფლიოზე ფონს ვერ გავა, ღმერთმა გადმოხედოს და შედეგი დადოს, მარა ჭრიკიშვილის სტილი და გავლენა სხვაა მსოფლიოს მასშტაბით, უცხოელებთან გაცილებით ძლიერად ჭიდაობს, ამიტომ ორივე უნადა წაეყვანათ და მარგიანი დაეტოვებინათ. კარგი იქნებოდა მარგიანიც დაჭიდებოდა ორივეს, საიტერესო იქნებოდა, მსოფლიოს წინ კარგი მოთელვა გამოუვიდოდა.
10
34
< წინა1234შემდეგი >
თარიღის მიხედვით
მოწონებების მიხედვით
მკითხველის კომენტარი (50)
გააკეთეთ კომენტარი
ასევე დაგაინტერესებთ
![გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]](/pictures/image7/674185ca0ba9da9c1d100a13bb6c137f.jpg "გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]")
უძრავი ქონება
სიახლეები
პოპულარული
