ჭიდაობა

ძიუდო

14:40 28-11-2018

ძიუდოს დაპირისპირებების ქრონოლოგია და ოსაკას შესაძლო ინციდენტი - რა ხდება ძიუდოს ოჯახში?

AutoSharing Option Yes No

საქართველოში სპორტის ნებისმიერი სახეობის ფედერაციაში რომ მიხვიდეთ, გეტყვიან, ჩვენ ერთი ოჯახი ვართო. არადა, ხშირად ამ ოჯახის უკან ძალიან დიდი პრობლემები იმალება და ბევრი რამ კულუარებში წყდება, რომელიც ერთხელ ყოველთვის გამომჟღავნდება და ეს მერე ამ კონკრეტული სპორტის დაღმასვლას უწყობს ხელს.

ძიუდოშიც იგივე მოხდა. ალბათ, ოჯახის დაშლის გარკვეული წინაპირობა ეს გადაწყვეტილება იყო, რომელმაც საბოლოოდ ამ მდგომარეობამდე მიგვიყვანა. ირაკლი უზნაძე გაათავისუფლეს, ფედერაციის პრეზიდენტი კი გვპირდებოდა, რომ ეს უკეთესი შედეგის მისაღწევად მოხდა.

alt საქართველოს ძიუდოისტთა ნაკრები: ირაკლი ცირეკიძე ირაკლი უზნაძის ნაცვლად?

ამ ცვლილებამ გარკვეული შედეგი

გამოიღო, ნელ-ნელა შედეგმა იკლო. სულ ბოლოს კი ევროპის ჩემპიონატზე უმედლოდ დავრჩით და საბოლოოდ ქართველმა ძიუდოისტებმა უთანხმოების შემდეგ ვარჯიში შეწყვიტეს.

alt "არ მივიღებთ მონაწილეობას არც ერთ შეჯიბრში და ვწყვეტთ ვარჯიშს, სანამ ფედერაციის პრეზიდენტი არ გადადგება

ამ მომენტის შემდეგ იყო ბევრი სიტყვიერი ურთიერთდაპირისპირება. ძიუდოისტებმა ფედერაციის ცოდვები ნათელში გამოიტანეს. ერთ-ერთი იყო ეგრეთ წოდებული "ატკატების" საქმე. დავით ქევხიშვილს გადადგომა არ უნდოდა. საპარლამენტო კომისიის თავჯდომარე მიხეილ ყაველაშვილიც მის დარჩენას უჭერდა მხარს.

alt დავით ქევხიშვილი: გადადგომას არ ვფიქრობ... რაში შევუშალე ხელი?

alt მიხეილ ყაველაშვილი: დავით ქევხიშვილი არ უნდა გადადგეს

alt ძიუდოს მწვრთნელი ლევან ციგრიაშვილი: ხელფასის 700 ლარიდან 200 ლარი ფედერაციაში მიმქონდა

ამ პერიოდში გამოჩნდა, რომ ძიუდოისტებს შორის ერთობა ბოლომდე არ იყო. საქართველოს ნაკრების კაპიტანს მხარი დაუჭირა ახალგაზრდულმა ნაკრებმა და ქალთა ნაკრებმა, თუმცა ეგრეთ წოდებული გორელთა სამეული აქციებში არ ერთვებოდა და არც ვარჯიში შეუწყვეტიათ, საბოლოოდ შეკრებაზეც წავიდნენ - ბექა ღვინიაშვილი, ლაშა შავდათუაშვილი და ვაჟა მარგველაშვილი.

alt ჩვენს ერთობას ვერავინ დაარღვევს! - ვარლამ ლიპარტელიანის ემოციური პოსტი

alt ლაშა შავდათუაშვილი და ვაჟა მარგველაშვილი იაპონიაში შეკრებაზე გაემგზავრნენ

alt ღვინიაშვილი, კირაკოზაშვილი და ნაგლიაშვილი შეკრებაზე გაემგზავრნენ - ძიუდოისტების განცხადება

საბოლოოდ, დავით ქევხიშვილის ბედი კიდევ ერთმა ფიზიკურმა დაპირისპირებამ გადაწყვიტა, სადაც შსს-მ გამოძიება დაიწყო.

alt "ძიუდოს ფედერაციაში დაპირისპირება სისხლისღვრაში გადაიზარდა" - დაკავებულია 4 პირი

alt აქამდეც შემეძლო ამ გადაწყვეტილების მიღება, მაგრამ... - დავით ქევხიშვილმა ძიუდოს ფედერაციის პრეზიდენტის პოსტი დატოვა

alt გაფიცულმა ძიუდოისტებმა ვარჯიში განაახლეს [PHOTO]

პირველი ღია დაპირისპირება ძიუდოისტებს შორის, რომელმაც სოციალური ქსელები დაიპყრო, ავთანდილ ჭრიკიშვილის პოსტს მოჰყვა, სადაც ამბობდა, რომ ის იჩაგრებოდა, მას ეკუთვნოდა მსოფლიო ჩემპიონატზე წასვლა და არა ბექა ღვინიაშვილს. ღვინიაშვილს მისთვის პასუხი არ გაუცია, თუმცა საბოლოოდ სლოვაკეთში გამართულ ტურნირზე შედგა ქართველთა ფინალი, სადაც ღვინიაშვილმა გაიმარჯვა.

alt ძიუდოში კვლავ დაპირისპირებაა - ჭრიკიშვილი ღვინიაშვილს ბრძოლაში იწვევს და კვლავ ქევხიშვილის მმართველობაზე საუბრობს

alt დაძაბულ ბრძოლაში ბექა ღვინიაშვილმა ავთანდილ ჭრიკიშვილი დაამარცხა [VIDEO]

შემდეგ იყო ნაყოფიერი მსოფლიო ჩემპიონატი, ძიუდოს ნაკრები პირადი მწვრთნელებით და საბოლოოდ ფედერაციის პრეზიდენტის არჩევნებიც დადგა. ვარლამ ლიპარტელიანმა არჩევნებამდე განაცხადა, რომ გიორგი ათაბეგაშვილი დავით ქევხიშვილის კაცი იყო, არჩევნები კი ისე წარიმართა, რომ ყველამ კანდიდატურა მოხსნა და გიორგი ათაბეგაშვილი მართლაც პრეზიდენტი გახდა.

alt ვარლამ ლიპარტელიანი: ათაბეგაშვილია ერთადერთი კანდიდატი, რომელიც ქევხიშვილის კაცია

alt საქართველოს ძიუდოს ფედერაციის პრეზიდენტი გიორგი ათაბეგაშვილი გახდა

შემდეგ, სავარაუდოდ, გარკვეული კონსესუსი შედგა, რადგან ძიუდოისტები აბუ-დაბის გრანდ სლემზეც გამოჩნდნენ და საბოლოოდ ოსაკაშიც.

alt ლაშა შავდათუაშვილმა აბუ დაბის გრანდ სლემი მოიგო [VIDEO]

alt ვაჟა მარგველაშვილმა აბუ-დაბის გრანდ სლემი მოიგო

alt აბუ-დაბის გრანდ სლემი: ხუთივე ქართველი ძიუდოისტი მედლისთვის ბრძოლას გამოეთიშა

alt ამირან პაპინაშვილი აბუ-დაბის გრანდ სლემის გამარჯვებული გახდა [VIDEO]

რაც შეეხება ოსაკას, იაპონიაში ვერაფერი მოვიგეთ. ეს ფედერაციამ ტრავმიანობას დააბრალა და ყველაფერმა ისე ჩაიარა, თითქოს არაფერი მომხდარა.

შემდეგ სოციალურ ქსელებში გავრცელდა ინფორმაცია, რომ ძიუდოისტებს შორის დაპირისპირება მოხდა. ჩვენ მიერ გადამოწმების შემდეგ წყარომ გვიამბო, რომ ოსაკაში ლაშა შავდათუაშვილს და ვაჟა მარგველაშვილს, გურამ თუშიშვილის გარდა, თითქმის ყველა ძიუდოისტი დაუპირისპირდა. ამავდროულად, ვრცელდებოდა სხვადასხვა ვერსია, მაგალითად, ისიც, რომ პირველადი დაპირისპირება ლუხუმ ჩხვიმიანსა და ვაჟა მარგველაშვილს შორის მოხდა, შემდეგ კი ლუხუმს უშანგი მარგიანმა დაუჭირა მხარი და მარგველაშვილს შავდათუაშვილმა, საბოლოოდ მათ კი კაპიტანი ვარლამ ლიპარტელიანი აშველებდა.

alt "შავდათუაშვილი მაგრად უცემიათ" - რა მოხდა ოსაკაში ქართველ ძიუდოისტებს შორის?

თითქმის ყველა ვერსია ეთანხმება იმ ფაქტს, რომ ეს ყველაფერი სასტუმროში მოხდა. ამ ფაქტს გარკვეულწილად ერთ-ერთი ძიუდოისტის მშობელი სოციალურ ქსელში გაკეთებული კომენტარით ადასტურებს.

Sportall.Ge

თუმცა ჩვენ გადავწყვიტეთ, რომ ყველა მხარესთან გადაგვემოწმებინა ინფორმაცია. ძიუდოს ფედერაციის პრეზიდენტმა ჩვენთან განაცხადა, რომ ფედერაციაში საჩივარი არ შესულა და შესაბამისად, არც არაფერი იყო გამოსაძიებელი. ალბათ, ძნელად წარმოსადგენია ის ფაქტი, რომ შესაძლო კონფლიქტში მონაწილე ძიუდოისტი საჩივარს წერს. ამის არდაწერისთვის არსებობს სამი მიზეზი: ქართული მენტალიტეტი, დისკვალიფიკაციის საფრთხე და შურისძიების სურვილი.

alt ფედერაციის პრეზიდენტის პასუხი ოსაკაში მომხდარ შესაძლო ინციდენტზე - ინტერვიუ გიორგი ათაბეგაშვილთან

თუმცა მოგვიანებით ლაშა შავდათუაშვილმა განცხადება გააკეთა და თქვა, რომ არაფერი მომხდარა და ტრავმა რომ არ გართულებულიყო, ოსაკას გრანდ სლემში ამიტომ არ მიიღო მონაწილეობა. საბოლოოდ კი ვარლამ ლიპარტელიანთან გადამოწმების შედეგად, კაპიტანმა ჩვენთან უარყო შესაძლო ფაქტი.

alt ლაშა შავდათუაშვილი ოსაკაში მომხდარ შესაძლო ინციდენტზე განცხადებას ავრცელებს

alt ვარლამ ლიპარტელიანის პირველი კომენტარი ოსაკაში შესაძლო დაპირისპირების შესახებ

თუ ეს ჩხუბის ამბავი სიმართლეა, ამას აუცილებლად მოჰყვება უფრო დიდი დაპირისპირებები. თუ ეს კონფლიქტი ნამდვილად მოხდა და ეს ფედერაციამ იცის, ეს დანაშაულია, რადგან დაუსჯელობის სინდრომი ახალ კონფლიქტებს ახალისებს. ვიმედოვნებთ, რომ ეს ყველაფერი კარგად შეთხზული ჭორია.

ასეთ დაპირისპირებებს გამარჯვებული და დამარცხებული არ ჰყავს. ამ ყველაფერს ჰყავს დაზარალებული და ეს ქართული ძიუდოა. ძიუდოს ფედერაციას ახალი სახეები სჭირდება, რადგან ნდობის ფაქტორი საკმაოდ დაბალია. ამავდროულად, საჭიროა სრულიად ახალი მწვრთნელი, რომელიც გუნდს გააერთიანებს და კითხვებს არ დატოვებს.

ნაბიჯები არ ჩანს, ნაბიჯები არ იდგმება. ნელ-ნელა კი ძიუდოს "დიდი ოჯახი" იშლება...

ტეგები:

ავტორი : გალაქტიონ ესაკია

შეაფასეთ სტატია:

მკითხველის კომენტარები / 10 /

თარიღის მიხედვით

მოწონებების მიხედვით

აქამდე თუ მხოლოდ ცალკეული რქიანი სპორტსმენები ურევდნენ დავთრებს, ახლა ისიც დაემატა, რომ ფედერაცია სრულიად უნიათოა და არაფერს აკეთებს-აქამდე ვერ მოება თავი მთავარი მწვრთნელის დანიშვნას და ქაოსურად, ვისაც სად მოხვდება, იქ ვარჯიშობს. გარდა ამისა, აჯანყებულ სპორტსმენებს ყველაფერი შერჩათ, რაც აქამდე გააფუჭეს-დაწყებული ვარჯიშების მიზანმიმართული ჩაშლით და დაუმორჩილებლობით, გაგრძელებული ჩხუბით და ფედერაციის შენობაში დებოშით და დამთავრებული ბოლოს "გორელების" მიმართ სოცქსელებში გამოხატული აგრესიით. ამაზე ყველაფერზე თვალი დახუჭა ფედერაციამ და შედეგმაც არ დააყოვნა-ღია ცემა-ტყეპამდე მივიდა საქმე.
ავტორს ვერ დავეთანხმები იმაში, რომ "შედეგმა იკლო". ჩაგდებულ ევროპას თუ არ ჩავთვლით, ცირეკიძის ხელში ნამდვილად არ ჰქონია არავის წინანდელზე ნაკლები შედეგი. ცირეკიძის ბრალი არ ყოფილა ის, რომ ზოგიერთებმა წონა შეიცვალეს. ეს უზნაძე კი ნუ გააკერპეთ მართლა! ხაბარელის და ზაიზენბახერის ხელში აიღეს ქართველებმა ოლიმპიური ოქრო და უზნაძემ კი იმდენი მოახერხა, რომ ვერც ოლიმპიური ჩემპიონი გახადა რომელიმე შეგირდი და 2 წამყვან სპორტსმენს-ჭრიკიშვილს და ღვინიაშვილს ისეთი ექსპლუატაცია გაუწია, რომ ტრავმები და დაქვეითება მოუტანა ერთსაც და მეორესაც. დაანებეთ თავი ამ გულშემატკივრებმა მაგის დაბრუნების მოთხოვნას. მუშაობს უკვე თურქეთში და კიდეც რომ ძალიან უნდოდეს, ნაღდად ვერ წავა და წამოვა აწი თავის ნებაზე.

სულიკო

გამოხმაურება

30 ნოემბერი 2018 04:00

ძიუდოს და სამბოს ფედერაციაში კორუფცია სულ იყო და ახლაც.არის.
სამბოს ფედერაციაში ოლეგ იაძეს დროს იყო მწვერვალი ყოველგვარი მოტეხვის და მიწერის ზენიტი და ხაბარელის დროს იგივე ხდებოდა ის იყო დამწყები კორუფციის მამა

Shalva

გამოხმაურება

29 ნოემბერი 2018 09:52

მიდით აბა--ხაბარელი პრეზიდენტად,დიდი ჭკუისკოლოფა ზვიადაური მთავარ მწვრთნელად და ლიპარტელიანი მუდმივ კაპიტნად კარიერის დამთავრებისთანავე პრეზიდენტობის გარანტიიით---აბა ტქვენ იცით

fff

გამოხმაურება

28 ნოემბერი 2018 21:01

პირველ რიგში ფედერაციის პრეზიდენტის ახალი არჩევნებია ჩასატარებელი, ეს ვიღაც უცხო ტიპი უნდა წავიდეს და ქევხიშვილსაც აღარ უნდა მიეცეს ფედერაციის საქმიანობასთან გაკარების საააშუალება! ყაველამ ფეხბურთი ხო ააღორძინა, ეხლა ძიუდოს საქმეებში რომ ერეოდა?! ძიუდოს საზოგადოებამ ფედერაციის პრეზიდრნტად პატიოსნად აირჩიოს წესიერი ადამიანი, ვინც ამ გორულ და სვანურ "დაჯგუფებებს" აზრზე მოიყვანს!!! მერე გინდა უზნაძე დააბრუნონ და თუნდაც კორეელი მწვრთნელი დანიშნონ! მე პირადად უზნაძის დანიშვნის მომხრე ვარ! მოკლედ, თუ ფედერაციაში სიტუაცია არ შეიცვალა, სამწუხაროდ ამაზე უარესი ამბები მოხდება!

პაატა

გამოხმაურება

28 ნოემბერი 2018 15:31

რა ჭორი კარგი რა გალაქტიონ :) მიდი და ჩაწერე სტატია ფედერაციის პრეზიდენტთან მწვავე კითხვებით. აუხსენი რატომ უნდა გადადგეს, მიდი მერე ლიპოსთან და იმასაც მოუყევი რატო უნდა წავიდეს სახლში და დაიოკოს ამბიციები.

gia

გამოხმაურება

28 ნოემბერი 2018 15:11

მე შვილო 74 წლის ვარ, და კი ვზივარ სახლში :) აი დაკონსერვება რა არის ალბათ არ იცი, გირჩევდი მეტი იკითხო და ისწავლო

gia

28 ნოემბერი 2018 16:17

სახლში საჯდომი და დასაკონსერვებელი შენ ხარ! აზრზე მოდი ვიზე ამბობ სახლში წავიდეო

უი

28 ნოემბერი 2018 15:37

პირველ რიგში ყველაფერი უნდა გაკეთდეს რომ უზნაძე დაბრუნდეს, გუნდსაც შეკრავს და ბიჭებსაც შეარიგებს. ფედერაციაში დღემდე ვერ დამშვიდდა სიტუაცია და ნაკრებშიც უსიამოვნებები ვერ მოაგვარა, ახალი არჩევნებია საჭირო და ქართულ ძიუდოს რომ კარგი პერიოდი ჰქონდა მაშინდელი ხელმძღვანელობაც უნდა ჩაერთოს არჩევნებში.სახელმწიფომ და სპორტკომიტეტმა გზები უნდა გამონახონ ამის მოსაგვარებლად ისე რომ საერთაშორისო ფედერაცია ვერაფერში ვერ მოგვედაოს.

soso

გამოხმაურება

28 ნოემბერი 2018 15:09

ბარემ კარგი იქნებოდა სოსო,მაგრამ უზნაძეს არავინ გამოუშვებს თურქეთიდან,მათი ყველა ნაკრების კოორდინატორია კაცი და ხელიც დაატყო თურქებს.აქ კი დაძაბულობა არ გაიფანტება,თუ ფედერაციაში არ მოხდა ძირეული ცვლილებები.ამ ინციდენტის მიზეზიც ალბათ ეს იყო,რომ ქევხიშვილის ადგილი,ისევ პირობითად ქევხიშვილმა დაიკავა და არაფერი შეცვლილა.ამ საქმეს ახალი მწვრთნელი კი არა,ახალი ფედერაცია სჭირდება და ვერც მოჭიდავეთა დასჯა უშველის საქმეს.როცა სადმე საქმე ირევა,ეს ყოველთვის ხელმძღვანელობის ბრალია და არა პერსონალის.მენეჯმენტიც სწორედ ეს არის, რამდენადაც ვიცი,რომ მმართველმა ორგანომ სიტუაცია საგანგებო შემთხვევების გარეშე მართოს.ამ შემთხვევაში მმართველი ორგანო ფედერაციაა და პირველ რიგში მათ ქმედებაზე თუ უმოქმედობაზეა სამსჯელო.

სოსო

01 დეკემბერი 2018 13:31