recorder.ge-ს ექსკლუზიური ინფორმაციით, საქართველოს ახალგაზრდა ძიუდოისტთა ნაკრების მთავარი მწვრთნელი, ოლიმპიური ჩემპიონი და მსოფლიოს ჩემპიონი ირაკლი ცირეკიძე იაპონიაში, ქალაქ ოსაკაში დააკავეს.
აღნიშნულთან დაკავშირებით Sportall.ge საქართველოს საგარეო საქმეთა სამინისტროს დაუკავშირდა და კომენტარი სთხოვა.
"იაპონიაში, საქართველოს საელჩოში ქ. ოსაკის სამართალდამცავი უწყებების მხრიდან შევიდა შეტყობინება საქართველოს მოქალაქის დაკავების შესახებ. საელჩო კომუნიკაციაში იმყოფება როგორც აღნიშნულ საქართველოს მოქალაქესთან, ისე ადგილობრივ სამართალდამცავ უწყებებთან. ამ ეტაპზე საქართველოს მოქალაქე გათავისუფლებულია და აღნიშნულ ფაქტზე მიმდინარეობს გამოძიება", - აცხადებენ სამინისტროში და მოქალაქის ვინაობას არ ასახელებენ.
recorder.ge თავად ცირეკიძ
ესაც დაუკავშირდა, თუმცა მან ეს ინფორმაცია უარყო.
საქართველოს ნაკრების ახალგაზრდა ძიუდოისტები ერთობლივ შეკრებაზე იაპონიაში 10 თებერვალს გაემგზავრნენ. ისინი ოსაკაში 28 თებერვლამდე ივარჯიშებენ.
ჯონი პატარკაციშვილი სპეციალურად Sportall.ge-სთვის
