თელ-ავივში დღეს დაწყებულ ძიუდოს გრან-პრიზე ვერცხლის მედალი მოიპოვა 60 კგ-მდე კატეგორიაში მოასპარეზე თემურ ნოზაძემ, რომელმაც პირველ წრეში ბრაზილიელი ფელიპე პელიმი ვაზარით დაამარცხა, შემდეგ თურქ მიჰრაჯ აკკუსსა და ბრიტანელ ეშლი მაკკენზის იპონით სძლია, ნახევარფინალში კი უკრაინელ არტიომ ლესიუკს ვაზარით მოუგო და ფინალში აზერბაიჯანელ დავუდ მამადსოვს შეხვდა. სამწუხაროდ, ორი ვაზარით დამარცხდა და ვერცხლისპრიზიორი გახდა.
66 კგ-მდე წონაში ბაგრატ ნინიაშვილმა და გიორგი ბაზანდარიშვილმა მედლებისთვის ბრძოლა ვერ მოახერხეს და ადრეულ ეტაპზე გამოეთიშნენ ასპარეზობას.
ქალთა შორის 57 კგ წონით კატეგორიაში მოასპარეზე
ეთერ ლიპარტელიანმა ჯერ რუსი დიანა ჟიგაროში დაამარცხა, შემდეგ – პოლონელი ანა კუჩერა და მეოთხედფინალში უნგრელ ჰედვიგ კარაკაშს სძლია. ნახევარფინალში ეთერის მეტოქე ებრაელი ტინა ნელსონ ლევი იყო, ვისთანაც მძიმე ბრძოლაში დამატებით დროში წააგო და ბრინჯაოს მედლისათვის პოლონელ იულია კოვალჩიკს დაეჭიდა. მთელი ორთაბრძოლა ეთერის უპირატესობით წარიმართა, მაგრამ მაინც გოლდენ სკორში გადავიდა, სადაც მაინც ჩვენმა გოგონამ იმარჯვა და ვაზარით დასცა მეტოქე.
52 კგ-მდე წონაში მოასპარეზე მარიამ ჯანაშვილი და ტატიანა ლევიტსკა-შუკვანი პირველივე ტურში დამარცხდნენ და ბრძოლას გამოეთიშნენ.
ლიპარტელიანი თელ-ავივის გრანპრის 1/2-ფინალშია, ნოზაძე - ფინალში
![ისევ უმედლოდ ვართ - ლიპარტელიანმა ბრინჯაო ვერ მოიპოვა [VIDEO]](/pictures/image7/4601308767bb0ac1f65813e8bfe1d65d.png "ისევ უმედლოდ ვართ - ლიპარტელიანმა ბრინჯაო ვერ მოიპოვა [VIDEO]")
![ეთერ ლიპარტელიანი რაფაელა სილვასთან დამარცხდა და რეპეშაჟში გადაინაცვლა [VIDEO]](/pictures/image7/2d7f27e43335821ac2107869c9699c48.png "ეთერ ლიპარტელიანი რაფაელა სილვასთან დამარცხდა და რეპეშაჟში გადაინაცვლა [VIDEO]")
![მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]](/pictures/image7/2613e714e00dac6b35b09ec834caa542.jpg "მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]")
