ეთერ ლიპარტელიანი ტაშკენტის გრან-სლემის ფინალშია, ჩხვიმიანი ბრინჯაოს მედლისთვის იბრძოლებს

დღეს, 3 მარტს, უზბეკეთის დედაქალაქ ტაშკენტში სტარტი ძიუდოს გრან-სლემმა აიღო. პირველ საშეჯიბრო დღეს საქართველოს სახელით ტატამზე 3 ქართველი ძიუდოისტი წარდგა. მათგან მედლის მოსაპოვებლად ეთერ ლიპარტელიანი და ლუხუმ ჩხვიმიანი იბრძოლებენ.

-60 კგ წონით კატეგორიაში ლუხუმ ჩხვიმიანი ასპარეზობაში მეორე წრიდან ჩაერთო და გერმანელი მაქსიმილიან შტანდტკე დაამარცხა, მეოთხედფინალში კი ფრანგ რომარიკ-ვენდ იამ ბუდას სძლია. 29 წლის ქართველი ძიუდოისტი ნახევარფინალში ყაზახ ნურკანატ სერკიბაევთან დამარცხდა. ბრინჯაოსთვის ბრძოლაში ლუხუმი აზერბაიჯანელ აჰმად იუსუფოვს დაუპირისპირდება.

-57 კგ წონით კატეგორიაში ეთერ ლიპარტელიანი ასპარეზობაში მეორე წრიდან ჩაერთო და უზბეკ შუკურჯან ამიროვას სძლია. ეთერმა მეოთხედფინალში ბრაზილიელი ჯესიკა ლიმა დაამარცხა, ნახევარფინალში კი ტაიპეის წარმომადგენელ ჩენ-ლინგ ლიენს დამატებით დროში მოუგო. ლიპარტელიანი ფინალში იაპონელ მომო ტამაოკის დაუპირისპირდება.

-60 კგ წონით კატეგორიაში გამომსვლელი ამირან დარბაისელი, სამწუხაროდ, თურქმენ ჰაკბერდი ჯუმაიევთან პირველივე წრეში დამარცხდა და ასპარეზობას ნაადრევად გამოეთიშა.

შეგახსენებთ, ფინალური ბლოკი 16:00 საათიდან დაიწყება.

ჩხვიმიანის ვერცხლი და ნოზაძის ბრინჯაო ბუდაპეშტის გრანდ სლემზე

 

ვერცხლის მედალი ანტალიიდან - ჩხვიმიანი ფინალში დამარცხდა [VIDEO]