კენჭაძემ მე-3 ადგილისთვის ბრძოლაში სომეხი მეტოქე გაანადგურა [VIDEO]

AutoSharing Option
AUTO PLAY
ნიკა კენჭაძემ მსოფლიო ჩემპიონატის ბრინჯაოს მედალი მოიპოვა.

ოსლოში მიმდინარე მსოფლიო ჩემპიონატის მესამე საშეჯიბრო დღე საქართველოს თავისუფალი სტილით მოჭიდავეთა ნაკრებისთვის მედლით დასრულდა.

79 კილოგრამ წონით კატეგორიაში მოასპარეზე ნიკა კენჭაძემ ოსლოს ხალიჩაზე მესამე ადგილი დაიკავა.

მომავალი მედალოსანი ასპარეზობაში მერვედფინალიდან ჩაება, სადაც რუმინელი მაქსიმ ვასილიოგლო 5:2 დაამარცხა. ამას მოჰყვა მორიგი გამარჯვება მეოთხედფინალში, ბერძენ გეორგიოს კუგიოუმციდსთან შეხვედრაში - 9:5. ნახევარფინალში ნიკამ დასანანი მარცხი იწვნია ირანელ მოჰამად აშგარ ნოხოდილარიმისთან - 5:6.

კენჭაძეს ბრინჯაოს მედლისთვის ბრძოლის შანსი მიეცა, რაც სომხეთის წარმომადგენელ არმან ავაგიანთან გამოიყენა კიდეც და
მეტოქე 10:0 დაამარცხა.

ერთი დღით ადრე მსოფლიო ჩემპიონატი ვერცხლის მედლით დაასრულა გენო პეტრიაშვილმა (125 კგ).

წყარო: საქართველოს ეროვნული ოლიმპიური კომიტეტი
მკითხველის კომენტარები / 2 /
გაიხარე ნიკა, ნამდვილი ვაჟკაცი ხარ, იცი ვისთან როგორ უნდა იჭიდავო, რომ გაახარო შენი ერი. სულ წარმატებებს გისურვებ.
გიზოგ
11:22 05-10-2021
1
მედალოსნებს ვულოცავ, მაგრამ ზოგადად ცუდი შედეგებია. რატომ არ ხდება ანალიზი არ მესმის. სად არიან ან ამ სპორტის სახეობის ვეტერანები ან ჟურნალისტები. ხმას რატომ არავინ იღებს?
არტ
11:00 05-10-2021
0

ასევე დაგაინტერესებთ
სიახლეები პოპულარული