ლოკომოტივი-დინამო (ბთ) 2:1 - სტარტიც ასეთი უნდა! [VIDEO]

საქართველოს XXIX ჩემპიონატი. ეროვნული ლიგა. I ტური უკეთესს რომ ვერ ინატრებდა კაცი, ისეთი გამოდგა XXIX ჩემპიონატის პირველი ტურის ეს მატჩი! - მშვენიერი ამინდი, თითქმის ბოლომდე შევსებული სტადიონი, უამრავი (და - სასიამოვნო) სიახლე აწ უკვე ეროვნული ლიგის ხელმძღვანელთაგან და, რაც მთავარია, ორი ამბიციური გუნდის მეტად და მეტად საინტერესო პაექრობა, საბოლოოდ, მასპინძელთა დამსახურებული გამარჯვებით რომ დასრულდა.თუმცა, დრამატული მოვლენებით დახუნძლულ ამ მატჩის, ფაქტობრივად, ბოლო წამზე ისეთი ეპიზოდი იყო, საბოლოო შედეგზე რომ შეეძლო ემოქმედა: სტუმრებმა კუთხურის უფლება მოიპოვეს და მეტოქის საჯარიმოში ბათუმელთა უკრაინელი მეკარე ანატოლი ტიმოფეევიც ჩავიდა; საბოლოოდ კი ისე მოხდა, რომ კუთხურიდან ჩამოწოდებულ ბურთს თავი გიორგი ქავთარაძემ შეაგება, მაგრამ ბურთი "ლოკომოტივის" კარის ხარიხამ აისხლიტა.აი, ასეთი იყო ამ მართლაც საინტერესო მატჩის ფინალი, თუმცა არანაკლებ დრამატულად და საინტრიგოდ წარიმართა საწყისი წუთებიც: რამდენიმე წამი იქნებოდა მატჩის დაწყებიდან, როცა სტუმრების პირველსავე კონტრიერიში.პენალტით დასრულდა. ბათუმელთა ახალწვეულმა ლეგიონერმა იაროსლავ კვასოვმა საჰაერო ორთაბრძოლა მოუგო მასპინძელთა ცენტრალურ მცველებს და ბურთი გიორგი ქავთარაძეს დაუგდო, რომლის დარტყმასაც დავით უბილავა გადაეღობა, მაგრამ "ლოკომოტივის" კაპიტანს ბურთი ხელზე მოხვდა და არბიტრმა ჯენერი ხორავამაც უყოყმანოდ დანიშნა პენალტი.არადა, ჯერ ერთი წუთიც არ იყო გასული მატჩის დაწყებიდან, თუმცა, სტუმართა გუნდის ერთ-ერთმა საკვანძო ფეხბურთელმა თორნიკე თარხნიშვილმა ზეეფექტურად ("პირლოს სტილში") მოინდომა გოლის გატანა, მაგრამ "ლოკომოტივის" გამოცდილი მეკარე რევაზ თევდორაძე არ წამოეგო ამ ფანდს და ბურთის ხელში აღებაც არ გასჭირვებია.არანაკლებ დინამიკური იყო მასპინძელთა საპასუხო "ჩხვლეტაც": ერთი წუთიც არ იყო გასული პენალტის ეპიზოდიდან, როცა "ლოკომოტივს" გოლის გატანის შანსი მიეცა, მაგრამ ირაკლი სიხარულიძესა და ირაკლი კომახიძეს ამ ეპიზოდში არ გაუმართლათ; სამაგიეროდ, ამის მერე, სწორედ სიხარულიძე და კომახიძე იყვნენ მუდამ მოვლენების ეპიცენტრში და ამ ორივე ახალწვეულმაც ლომის წილი შეიტანა "ლოკომოტივის" გამარჯვებაში.თუმცა, ვიდრე "ლოკომოტივი" სრულად ჩაიგდებდა ხელთ მატჩის სადავეებს, ანგარიში "დინამომ" გახსნა: მიხეილ გორელიშვილის კუთხურის მერე მასპინძელთა მცველებს თეიმურაზ შონია "გაეპარათ" და გარდამავალი ჩემპიონატის ერთ-ერთმა საუკეთესო ფეხბურთელსაც ახლო მანძილიდან გოლის გატანა არ გასჭირვებია.ამის მერე კი სახიფათო მომენტები ორივე კართან იქმნებოდა, მაგრამ გეგა დიასამიძისა და პაპუნა ფონიავას მცდელობებს შედეგი არ მოჰყოლია.სამაგიეროდ, ირაკლი სიხარულიძემ გაილაღა და სულაც "დუბლი" შეასრულა ათწუთიან ინტერვალში: მასპინძელთა ცენტრფორვარდმა ჯერ თეიმურაზ ღონღაძის (კიდევ ერთი ახალწვეულის!) უზუსტესი და შორეული პასის მერე, არანაკლებ უზუსტესი (და - ეფექტური) თავური დარტყმით ბურთი შორეულ კუთხეში გაგზავნა, მერე კი მშვენივრად ისარგებლა ორივე გუნდის შემადგენლობაში ყველაზე გამოცდილი და ყველაზე ტიტულიანი ფეხბურთელის, დავით კვირკველიას უნებლიე შეცდომით და მშვენივრად გამოიყენა ანატოლი ტიმოფეევთან ერთი ერთზე გასვლა!არანაკლებ დაძაბული და სანახაობრივი გამოდგა მეორე ტაიმიც, რომლის საწყისი წუთებიც კვლავაც მასპინძელთა უპირატესობით წარიმართა. არადა, სტუმართა თავკაცმა ლევან ხომერიკმა შესვენების შემდეგ მოედანზე ორი ახალი ფეხბურთელი გამოიყვანა მოედანზე, მაგრამ მისმა ოპონენტმა გიორგი დევდარიანმაც ბევრად უფრო ეფექტიანი გადაადგილებები მოახდინა და "ლოკომოტივის" აქტიური თამაშიც აშკარად თვალშისაცემი იყო.ორჯერ აღმოჩნდა ხელსაყრელ სიტუაციაში ირაკლი სიხარულიძე, მაგრამ ორჯერვე ჩინებულად გაისარჯა ანატოლი ტიმოფეევი, ტრადიციულად, უაღრესად სასარგებლო გახლდათ "ლოკომოტივის" ლიდერი გეგა დიასამიძე, აი, ირაკლი კომახიძის გაუთავებელი რეიდები კი სერიოზულ პრობლემას უქმნიდა სტუმართა ფეხბურთელებს. თანაც, გიორგი დევდარიანმა მეორე ტაიმში კომახიძე მარჯვენა ფლანგზე გადასწია და ამ ტანმორჩილი ახალგაზრდა ფეხბურთელმაც ამ პოზიციაზეც მშვენივრად წარმოაჩინა საკუთარი შესაძლებლობები.განსაკუთრებით ის ეპიზოდია გამოსარჩევი, როცა ვერცხლისწყალივით მოძრავმა კომახიძემ ბურთი "მოპარა" სტუმართა ბრაზილიელ ახალწვეულს ჟოვინიოს და უზუსტესი პასით მამია გავაშელიშვილი, ფაქტობრივად, მეკარესთან პირისპირ დატოვა, მაგრამ მასპინძელთა ფორვარდმა ეს რეალური შანსი ვერ გამოიყენა.ამასობაში, სტუმრებიც გააქტიურდნენ, მაგრამ შეუვალი გახლდათ "ლოკომოტივის" კიდევ ერთი ახალწვეული გიორგი რეხვიაშვილი, რომელმაც სტუმართა, ფაქტობრივად, ყველა შეტევა ჩაშალა.ასევე, ზესაიმედოდ გაისარჯა რევაზ თევდორაძეც: "ლოკომოტივის" მეკარე გამოსვლებზეც უშეცდომო გახლდათ და ერთ ეპიზოდში კი გელა გოგიტიძის შორეულ და უძლიერეს დარტყმაზე მშვენიერი რეაქცია გამოავლინა.კიდევ ერთი დასამახსოვრებელი ეპიზოდის აღნიშვნაც გვინდა, როცა შეცვლაზე შემოსულმა რევაზ ჩიტეიშვილმა შორიდან ისეთი "დასცხო", თქვენი მოწონებული, მაგრამ ბურთი სტუმართა კარის ხარიხას შეხვდა და მერე კარის... ხაზზე დაეცა.მთლად ბოლოს კი იყო ის ეპიზოდი, გიორგი ქავთარაძის დარტყმის მერე ბურთი "ლოკომოტივის" კარის ხარიხას რომ მოხვდა - არბიტრის მიერ დამატებული მეხუთე წუთი რომ იწურებოდა...05.03. თბილისი. მიხეილ მესხი (სათადარიგო)ლოკომოტივი-დინამო (ბთ) 2:1გოლები: 0:1 შონია (10. გორელიშვილის პასით), 1:1 სიხარულიძე (31. ღონღაძის პასით), 2:1 სიხარულიძე (41)ლოკომოტივი (4-1-4-1): რ. თევდორაძე - თ. ღონღაძე, რეხვიაშვილი, გაბაძე, უბილავა - ჭანტურია - ნ. ქავთარაძე (77. კიკნაძე), გ. დიასამიძე, სამურკასოვი (54. მ. გავაშელიშვილი), კომახიძე (85. ჩიტეიშვილი) - სიხარულიძე.სათადარიგოები: ვარძელაშვილი, ბუღრიძე, ხიდეშელი, ბ. ქურდაძემწვრთნელი: გიორგი დევდარიანიდინამო (ბთ): ტიმოფეევი - ტვილდიანი (46. ფარტენაძე), გოგიტიძე, კვირკველია, სუხიაშვილი - შონია, თარხნიშვილი - გ. ქავთარაძე, ფონიავა (78. კვანტალიანი), გორელიშვილი (46. ჟოვინიო) - კვასოვი.სათადარიგოები: ვ. თევდორაძე, მგელაძე, ქორიძე, ტაკიძემწვრთნელი: ლევან ხომერიკიგაფრთხილება: უბილავა (1), რეხვიაშვილი (10), ფონიავა (23), სამურკასოვი (52), ჭანტურია (69), გოგიტიძე (74), შონია (81), კვასოვი (85)არბიტრი: ჯ. ხორავა.ეროვნული I ლიგა. I ტურირუსთავი-გურია 3:1ვიტ ჯორჯია-სამგურალი 3:0მერანი-გაგრა 0:0სიონი-ზუგდიდი 1:0ცხინვალი-მეშახტე 2:2.(იბეჭდება მცირე ცვლილებით)ყოველდღიური სპორტული გაზეთი "ლელო"

beqa

ვულოცავ გიორგი დევდარიანს ამ გამარჯვებას,ის ყველაზე ნათელი წერტილია ქართულ ფეხბურთში,მას ძალიან დიდი წვლილი მიუძღვნის ახალგაზრდა ფეხბურთელების აღზრდაში,რომ არა ფიფიას გოიმობა, დღეს თბილისის დინამო ბევრად წინ იქნებოდა წასული
Goga

Bravo loko!!! Tevdoradze amtkicebs ro uzlieresi mekarea

როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?

"საქართველოში ამით ძალიან გაკვირვებული დავრჩი" - "გაგრას" ბელარუსი მეკარე

მეორე წრე დასრულდა: გოლი მე-20 წამზე და სხვა ამბები

"რუსები გერმანიის ნაკრების სტილში თამაშობენ" - ნიგერიის ნაკრების მთავარი მწვრთნელი

ისტორიული ოქრო პარაკაიაკის ევროპის ჩემპიონატზე

ანშლაგი ქუთაისში - საქართველო - კაბო-ვერდე | 7 ივნისის განრიგი

საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!

"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა

"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ

უარი "ალ ჰილალს" - ოსიმენისთვის ბრძოლაში ახალი კლუბი ჩაერთო

"მესი თუ რონალდო?" - იგუაინმა უცნაური არჩევანი გააკეთა

[VIDEO] ჰალიბარტონის და "ინდიანას" მორიგი სასწაული - "ოკლაჰომა" სუპერფინალის პირველ მატჩში დამარცხდა

შენგელიას ლიდერობით "ვირტუსმა" მილანში იმარჯვა და სერია A-ს ფინალამდე 1 მოგება აშორებს

ნიონში გოგონათა ასაკობრივი გუნდების წილისყრა შედგა

კაპაძის ხელმძღვანელობით - უზბეკეთი პირველად გავიდა მსოფლიოს ჩემპიონატზე

[VIDEO] 5:4 - ესპანეთმა საფრანგეთს მოუგო და ფინალში გავიდა

სანიოლი: საუკეთესო ლობჟანიძე გახლდათ - მეორე ტაიმში მეტი ემოცია და ნაკლები მონდომება იყო

ფარერების მწვრთნელი: დასანანია, ფრეს რომ ვერ გამოვრჩით

[VIDEO] ლორიას ბოლო და 16 წლის ხარებაშვილის პირველი მატჩი - საქართველოს ნაკრებმა ფარერებს მოკრძალებული ანგარიშით მოუგო

[VIDEO] პირველი ტაიმის შემდეგ საქართველოს ნაკრები ფარერებს 1:0 ამარცხებს

პსჟ-ს თავდამსხმელი შეიძლება "მანჩესტერში" გადავიდეს

ფარერებთან საქართველოს ნაკრების შემადგენლობა ცნობილია

დევდარიანი, ფრუიძე თუ ისევ ჭიაბრიშვილი? - მწვრთნელის ვარიანტები "საბურთალოსთვის"

დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა

ეროვნული ლიგა. I ტური. "დინამო" (ბთ) - "დინამო" (თბ) [LIVE]

ბათუმის "დინამო": მწვრთნელობის მეხუთე კანდიდატი ალექსანდრ შტელინია

თეიმურაზ შონიას ყუმბარისებური ჯარიმა 35 მეტრიდან [VIDEO]

ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]

გიორგი დევდარიანი: ღირსეული წაგებებით დავიღალეთ, მე ოპტიმიზმის საფუძველს ვერ ვხედავ

"ხვიჩას ვუყურებ და ვტკბები... მისთვის ვარსკვლავური სენის შეყრა? მგონია, რომ..." - დევდარიანმა კვარაცხელიას შესახებ ისაუბრა

ლაშა ნოზაძე: ფავორიტი მეტოქეა - შემდეგ ეტაპზე გასვლას ვაპირებთ

ირაკლი სიხარულიძე: ამ დონის გუნდის დამარცხება განსაკუთრებულია

ეროვნული ლიგა. XV ტური: ლოკომოტივი - დინამო თბ [LIVE]

ეროვნული ლიგა. XII ტური. "გაგრა" - "ლოკომოტივი" [LIVE]

დინამო(ბთ)-დილა 2:3 - სასწაული ბათუმში [VIDEO]

ეროვნული ლიგა. XXXIII ტური. "ლოკომოტივი" - "დინამო" თბ [LIVE]

ეროვნული ლიგა. V ტური. "დინამო" (ბთ) - "ტორპედო" [LIVE]

ეროვნული ლიგა. XIII ტურის წინ: ჩემპიონი თუ ლიდერი?

თბილისის "ლოკომოტივმა" ექვსი ზამბიელი ფეხბურთელი დაიმატა

ბათუმის "დინამოს" მთავარმა მწვრთნელმა ლევან ხომერიკმა თანამდებობა დატოვა

თეიმურაზ შონია "ლოკომოტივის" ღირსებას დაიცავს

სასწაული მატჩი ეროვნულ ლიგაში: სამტრედიაში თრილერი გათამაშდა [VIDEO]

ეროვნული ლიგა. XX ტური: ბათუმის "დინამომ" გორში მნიშვნელოვანი გამარჯვება მოიპოვა

სიხარულიძის დუბლის მიუხედავად "საბურთალო" "ორენბურგთან" დამარცხდა

ეროვნული ლიგა. IV ტური. "იბერია 1999" - "დინამო" (ბთ) [LIVE]

დევდარიანი: კვარაცხელია ორფაზიანი მოთამაშეა; ავხსნი, რას ვგულისხმობ...

დილა-დინამო (ბთ) 1:2 - რთული მისია [VIDEO]

ბათუმის "დინამო" უკრაინელმა ლეგიონერებმა დატოვეს

"დილამ" სტუმრად "ტორპედოს" მოუგო; ორი მატჩი ფრედ დასრულდა

ირაკლი სიხარულიძე: ბათუმის "დინამოსთან" მატჩი ჩვენთვის ერთგვარი გამოცდა იქნება

გიორგი დევდარიანი: ჩვენ ვცდებით, როცა ვამბობთ, რომ ჩემპიონატის დონემ აიწია

ბათუმის "დინამო": ვინ შეცვლის ხომერიკს? ოთხი სავარაუდო კანდიდატურა

ეროვნული ლიგა. X ტური. "თელავი" - "ლოკომოტივი" [LIVE]

ბათუმის "დინამომ" თურქულ შეკრებაზე უზბეკური "ალმალიკი" დაამარცხა [VIDEO]

10 გამორჩეული მოქმედი ქართველი მწვრთნელი - ვინ არის საუკეთესო?

ეროვნული ლიგა. XIII ტური. "ლოკომოტივი" - "ტორპედო" [LIVE]

სეზონის საუკეთესო ფეხბურთელი სიხარულიძე, მწვრთნელი ჭიაბრიშვილი, ნომინანტები და გამარჯვებულები - ეროვნული ლიგის ტრადიციული დაჯილდოება

რთულია, მაგრამ შესაძლებელი - ლევან ხომერიკი ქართული გუნდების ევროშანსებზე