<p>სამხრეთ აფრიკაში გასამართ 2024 წლის მსოფლიო რაგბის 20-წლამდელთა ჩემპიონატზე "უმცროსი ბორჯღალოსნების" პირველ თამაშამდე 4 დღე დარჩა.</p><p>მიჯრით მეექვსე 20-წლამდელთა ჩემპიონატზე ჩვენი გუნდი პირველ შეხვედრას 29 ივნისს, საქართველოს დროით 18:30 საათზე ქეიფთაუნში, „ეთლონ სპორტ სთედიუმზე“ ავსტრალიასთან გამართავს.</p><p>ლადო კილასონიას შეგირდები უკვე რამდენიმე დღეა სამხრეთ აფრიკაში იმყოფებიან და მომავალი შეხვედრებისთვის ემზადებიან:</p><p>„სამხრეთ აფრიკაში ძალიან კარგად დაგვხვდნენ და სავარჯიშოდაც კარგი პირობები გვაქვს. ისევ იმ მოედანზე ვემზადებით, სადაც შარშანდელი ჩემპიონატისთვის ვვარჯიშობდით. აქ ჩამოსვლის შემდეგ გვქონდა სამი ვარჯიში, დღეს (25 ივნისს) ვისვენებთ და ხვალიდან გავაგრძელებთ მზადებს. ყოველდღიურად ვხვეწთ იმ გეგმას, რომლითაც ავსტრალიის წინააღმდეგ ვაპირებთ თამაშს. მთელი გუნდის მუშაობით კმაყოფილი ვარ. ვარჯიშებზე ყველა ბოლომდე იხარჯება და იგრძნობა სურვილი – ყოველდღიურად გავხდეთ უკეთესები, დანარჩენს კი უშუალოდ თამაშები დაგვანახებს“.</p><p>გუნდთან ერთად არიან ლეგიონერები – გუნდის კაპიტანი ნიკა ლომიძე (ბეიონი), ლუკა ხორბალაძე (ლიონი) და ლუკა კოტორაშვილი (მონპელიე), რომლებსაც კლუბებთან ვალდებულებები ჰქონდათ და "უმცროს ბორჯღალოსნებს" სამხრეთ აფრიკაში შეუერთდნენ:</p><p>„წინა ჩემპიონატის შემდეგ ჩვენი სათამაშო სქემა დიდად არ შეცვლილა და ბიჭებს გუნდთან ადაპტაცია არ უნდა გაუჭირდეთ. რა თქმა უნდა, არის პატარ-პატარა ცვლილებები დეტალებში, მაგრამ საერთო სურათი იგივეა. გუნდთან ერთად მათ უკვე ჩაატარეს რამდენიმე ვარჯიში. მთლიანობაში, შემადგენლობაში 10 ისეთი მორაგბეა, რომლებმაც გამოცდილება შარშანდელ ჩემპიონატზე მიიღეს და ეს ძალიან კარგია. ასაკობრივი ნაკრების მომზადებისას ეს ნაცადი ხერხია, რომელმაც დროს გაუძლო. ამ ბიჭებმა უკვე იციან რას უნდა ელოდნონ და გამოცდილებას უზიარებენ იმ მოთამაშეებს, რომლებიც ჩემპიონატზე წელს პირველად თამაშობენ“ – აღნიშნავს მთავარი მწვრთნელი.</p><p>მცირე ტრავმების გამო პირველ თამაშს ტოვებენ ვიცე-კაპიტანი გიორგი გერგედავა და მგეზავი გელა ხელაძე, თუმცა საგანგაშო არაფერია. ავსტრალიასთან მგეზავად თამაშს ლუკა ცირეკიძე დაიწყებს, რომელიც ამ პოზიციაზე ინგლისთან ბოლო ტესტ-მატჩისას (45:17) ირჯებოდა:</p><p>„ცირეკიძეს ფულბეკად და მგეზავად განვიხილავთ და ფრთაზეც შეუძლია თამაში. ეს მწვრთნელისთვის დიდი კომფორტია, რადგან შემადგენლობის დაყენებისას სხვადასხვა ვარიაციების შესაძლებლობას იძლევა. ავსტრალიასთან ის სავარაუდოდ მგეზავი იქნება“ – ამბობს კილასონია და მომავალ მეტოქეს ახასიათებს:</p><p>„ავსტრალია ინგლისისგან იმდენად განსხვავებული მეტოქეა, რამდენადაც განსხვავდებიან სამხრეთული გუნდები ჩრდილოეთ ნახევარსფეროს გუნდებისგან. მათ ჰყავთ სწრაფი მოთამაშეები და სახიფათოები არიან კონტრშეტევისას. ისინი არ გპატიობენ შეცდომებს და თუ მოედანზე კაცნაკლული დარჩი, თავის დაცვა ძალიან გაგიჭირდება. ჩვენი მიზანია, რომ შევასრულოთ ის დეტალები, რაც მათ საკუთარი უპირატესობის გამოყენების შესაძლებლობას არ მისცემს. შევეცდებით გავანეიტრალოთ ავსტრალიის ძლიერი მხარეები და გამოვიყენოთ ჩვენი შესაძლებლობები“.</p><p>„ჩემი, სტაფის წევრებისა და მოთამაშეების მოლოდინები ერთმანეთს ემთხვევა – თამაშიდან თამაშამდე გავხდეთ უკეთესები და დანარჩენი მოედანზე გამოჩნდება“.</p><p><p><p>შეგახსენებთ, სამხრეთ აფრიკაში შარშან გამართულ 20-წლამდელთა ჩემპიონატზე "უმცროსმა ბორჯღალოსნებმა" საუკეთესო შედეგი აჩვენეს და მე-8 ადგილი დაიკავეს.</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> <p></strong></p></p><br></p>
Bs
ბიჭებო გვეიმედებით! წარმატებები!
გიორგი
გამარჯვება ქართველებო!
U18. საქართველოს ნაკრები ფინალში ესპანეთთან ისევ დამარცხდა
18 წ. | შემადგენლობა ევროპის ჩემპიონატის ფინალისთვის
18 წ. | ნიდერლანდებს ბრძოლაში ვძლიეთ, ფინალს ზედიზედ მე-11-ედ ვითამაშებთ
ბასილაშვილი მეცის ჩელენჯერს ტრავმის გამო ჩაეხსნა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
20 წ. | მეშვიდედ იტალიასთან - პირველად ქუთაისში
U20. საქართველოს ნაკრები ფიჯისთან დამარცხდა და ისტორიაში ყველაზე უარყოფითი შედეგი დააფიქსირა
ლადო კილასონია: დისციპლინა დაგვერღვა და უელსმა ამით ისარგებლა
U20. საქართველოს ნაკრებმა ურუგვაი გაანადგურა
20 წ. | მზადება მსოფლიო ჩემპიონატისთვის
ლადო კილასონია: საფრანგეთთან თამაში ძალიან მაგარი ბიძგი იყო
[VIDEO] U20. საქართველოს ნაკრები მსოფლიოს ჩემპიონთან დამარცხდა
"ჩვენ ვართ ტიერ1 - საქართველო ტიერ2-ის სარაგბო ქვეყანა არაა" - რა ითქვა ახალზელანდიელებთან ნამატჩევს
U20. საქართველოს ნაკრები იტალიასთან დიდი ანგარიშით დამარცხდა
20 წ. | ურუგვაისთან მე-9 ადგილის ნახევარფინალისთვის
20 წ. | ლადო კილასონია: ამაყი ვარ ამ გუნდს რომ ვწვრთნიდი
20 წ. | ლადო კილასონია – ფოკუსირება დეტალებზე