"კვარავაჯოს" გზა ოქროს ბურთამდე: თანამედროვე ქართული ზღაპარი

ოდესმე დაფიქრებულხართ, როგორ იქმნება ეპოქა?   ჩვენს რეალობაშიც არიან ადამიანები, რომლებიც ამას საკუთარი ხელით, ჩვენს შემთხვევაში კი ფეხის ერთი მოძრაობით ახერხებენ.  ხვიჩას კარიერაა დიდი სპორტული ამბავი, რომელსაც თანამედროვე ზღაპარს ვუწოდებდი. ზღაპარი იმაზე, თუ როგორ შეიძლება პატარა გულით, ქართული სულითა და ენერგიით მთელი პლანეტის თვალები შენკენ მიაპყრო. ყველაფერი იქიდან და იმ ასაკიდან დაიწყო, როდესაც ბავშვური ჟინი და შეუპოვრობა იბადება. ახლა კი გირჩევთ,რომ  გონებით ზუსტად იმ პატარა, მტვრიან ეზოებში გადავინაცვლოთ, სადაც დიდი მიზნები იღებს სათავეს...    ხვიჩამ ფეხბურთის თამაში 6 წლის ასაკში, თბილისის საფეხბურთო აკადემიის &bdquo;ოლიმპიკის“ ბავშვთა გუნდში დაიწყო, სადაც მისი პირველი მწვრთნელები გიგლა და დათო იმნაძეები იყვნენ, და ალბათ თავადაც არ იცოდნენ, ვის უზრდიდნენ საქართველოს. შემდეგ იყო &bdquo;ავაზა“, ხოლო 2013 წლიდან თბილისის &bdquo;დინამოს“ აკადემია და ახალგაზრდული გუნდები, სადაც სულიკო დავითაშვილმა, ლადო კაკაშვილმა და სხვა სპეციალისტებმა მისი ტალანტის ფუნდამენტი ჩაყარეს.   პროფესიონალური კარიერა მან 2017 წელს თბილისის &bdquo;დინამოში“ დაიწყო. პირველად ეროვნული ლიგის 28-ე ტურში, &bdquo;კოლხეთი-1913“-ის წინააღმდეგ გამოვიდა მინდორზე (1–1): 18 ნომრით მოთამაშემ 62-ე წუთზე შეცვალა აკაკი შულაია და 83-ე წუთზე ბექა ქავთარაძეს  საგოლე გადაცემა გაუკეთა, რომლითაც გუნდი მარცხისგან იხსნა. სწორედ ამ ერთი პასით ჩაეყარა საფუძველი იმ დიდ გზას, რომელსაც დღეს მთელი საქართველო გულშემატკივრობს...სადებიუტო სეზონში ოთხი შეხვედრა ჩაატარა და ერთი გოლიც შეაგდო.   მომდევნო წელს &bdquo;რუსთავში“ გადავიდა (18 მატჩი, 3 გოლი). 2019 წლის 15 თებერვალს იგი მოსკოვის &bdquo;ლოკომოტივში“ ჩაირიცხა, სადაც 10 მაისს ყაზანის &bdquo;რუბინს“ გაუტანა. თუმცა, იჯარის ვადის ამოწურვის შემდეგ, იური სიომინის დიდი გულისტკივილის მიუხედავად, რომელსაც მისი შენარჩუნება სურდა, ხვიჩამ &bdquo;რუბინი“ არჩია. 2019 წლის 6 ივლიდან ყაზანური კლუბის სრულუფლებიანი წევრი გახდა, სადაც ნამდვილ ლიდერად ჩამოყალიბდა: გახდა თვის საუკეთესო ფეხბურთელი, 2020 წელს საქართველოს წლის საუკეთესო ფეხბურთელად აღიარეს, ხოლო L'Equipe-მა XXI საუკუნეში დაბადებული 50 საუკეთესო ფეხბურთელის სიაში შეიყვანა.   2022 წლის მარტში, უკრაინაში შექმნილი მოვლენების ფონზე, მან რუსული კლუბი დატოვა და ბათუმის &bdquo;დინამოს“ შეუერთდა. აჭარულ კლუბში ჩატარებულ 11 მატჩში 8 გოლი გაიტანა, 2 საგოლე გადაცემა შეასრულა და ივნისში ეროვნული ლიგის მეორე წრის საუკეთესო მოთამაშე გახდა.   <img src="/media/uploads/2026/08-06/images-20-1786002246.jpg" alt="images-20-1786002246.jpg" width="825" />   2022 წლის 1 ივლისს ხვიჩა კვარაცხელია ოფიციალურად &bdquo;ნაპოლის“ ფეხბურთელი გახდა (სატრანსფერო ღირებულებით 10–12 მილიონი ევრო). იტალიური ზღაპარიც დაუყოვნებლივ დაიწყო. წარმოიდგინეთ ახალგაზრდა ბიჭის ემოცია, რომელიც უცხო ქვეყანაში, თავბრუდამხვევი ტემპით იჭრება ფეხბურთის დიდ სამყაროში...15 აგვისტოს, &bdquo;ელას ვერონასთან“ გასვლით მატჩში (5–2), მან სადებიუტო გოლი გაიტანა და საგოლე გადაცემა მიითვალა. მალე იყო დუბლი &bdquo;მონცასთან“, გამარჯვების გოლი &bdquo;ლაციოსთან“ და სერია A-ს თვის საუკეთესო ფეხბურთელის წოდება. &bdquo;სან სიროზე“ მოქმედ ჩემპიონ &bdquo;მილანთან“ მნიშვნელოვანი პენალტი მოიპოვა, ხოლო ჩემპიონთა ლიგაზე &bdquo;ლივერპულისა“ (4–1) და &bdquo;აიაქსის“ კარში თავისი ჯადოსნური ხელწერა დატოვა. ნეაპოლში მისმა თამაშმა იმდენად დიდი ვნება და სიყვარული გამოიწვია, რომ ქალაქმა მას სახელი შეარქვა. გულშემატკივრებმა დიდ მარადონას შეადარეს და საპატიოდ &bdquo;კვარადონა“ შეარქვეს. მაგრამ ეს მხოლოდ დასაწყისი იყო. იტალიელებმა მას კიდევ ერთი, უფრო ღრმა და მხატვრული მეტსახელი უბოძეს  &bdquo;კვარავაჯო“. მსგავსად იმისა, როგორ ქმნიდა დიდებული მხატვარი კარავაჯო თავის უკვდავ ტილოებს სინათლისა და ჩრდილის ოსტატური თამაშით, ხვიჩასაც ეყო სიმამაცე და მწვანე მინდორი თავის საფეხბურთო კანვასად აქცია.   გახსოვთ 2023 წლის მაისი? &bdquo;უდინეზესთან“ იმ ფრედ დასრულებულმა მატჩმა (1–1) მთელი სამხრეთ იტალია ფეხზე დააყენა და &bdquo;ნაპოლიმ“ ისტორიაში მესამედ მოიპოვა სკუდეტო. სეზონის ბოლოს კი ხვიჩა სრულიად დამსახურებულად იტალიის საუკეთესო ფეხბურთელად დასახელდა. როგორ უნდა დაივიწყო &bdquo;იუვენტუსის“ განადგურება (5–1) ან კიდევ 2024–25 წლების სეზონის სტარტი &bdquo;ბოლონიასთან“… თუმცა, მზის და მარადონას ქალაქთან ეს ლამაზი თავი 2025 წლის 16 იანვარს დასრულდა: 107 მატჩი, 30 გოლი და 29 საგოლე გადაცემა.   <img src="/media/uploads/2026/08-06/images-21-1786002285.jpg" alt="images-21-1786002285.jpg" width="825" />   დარწმუნებული ვარ იცით, რომ ცხოვრება მუდმივი ბრძოლა და ძიებაა ახალი მწვერვალებისკენ…2025 წლის 17 იანვარს ფეხბურთის ისტორიაში ახალი ერა დაიწყო: პარი სენ-ჟერმენმა კვარაცხელიასთან კონტრაქტი 2029 წლამდე გააფორმა, რითაც იგი გახდა პირველი ქართველი ფეხბურთელი კლუბის ისტორიაში. დებიუტიც ზუსტად ისეთი გამოვიდა, როგორიც ვარსკვლავებს შეეფერება: 25 იანვარს, &bdquo;პარკ დე პრენსზე“, &bdquo;რეიმსის“ წინააღმდეგ მატჩში, მეტოქის სამი მცველი ჩამოიშორა და დასარტყმელ პოზიციაზე მყოფ უსმან დემბელეს შეუდარებელი ასისტი გაუკეთა. ლუის ენრიკემ ქართველი ფეხბურთელის დებიუტი პოზიტიურად შეაფასა.   მალე პირველი გოლის დროც მოვიდა: 7 თებერვალს, &bdquo;მონაკოსთან“ მატჩში (4–1), ბრედლი ბარკოლას გადაცემა მიიღო, ზუსტი დარტყმით ბურთმა თავი ბადეში ამოყო. 23 თებერვალს იგი &bdquo;ლიონი“-პსჟ-ის მატჩის საუკეთესო მოთამაშედ დასახელდა. 5 აპრილს კი &bdquo;ანჟესთან“ მატჩში (1–0) დეზირე დუეს საგოლე გადაცემა გაუკეთა, Sofascore-მა მატჩის საუკეთესოდ დაასახელა და პსჟ-სთან ერთად სეზონის დასრულებამდე ექვსი ტურით ადრე საფრანგეთის ჩემპიონობაც იზეიმა, რითაც გახდა პირველი ქართველი, ვინც ტოპ-5 ლიგიდან ორის (იტალიისა და საფრანგეთის) ტიტული დაისაკუთრა.   არ უნდა დავივიწყოთ უეფას ჩემპიონთა ლიგის ჯადოსნური ღამეებიც: 9 აპრილი, მეოთხედფინალი &bdquo;ასტონ ვილასთან“ (3–1), სადაც ემილიანო მარტინესის კარში გამორჩეული სილამაზის გოლი გაიტანა და გახდა პირველი ქართველი, ვინც ჩემპიონთა ლიგის მეოთხედფინალში თავი გამოიჩინა (მატჩის საუკეთესო მოთამაშე). 7 მაისი, ნახევარფინალი ლონდონის &bdquo;არსენალთან“ (2–1), გამარჯვება, პრესტიჟული ტურნირის ფინალის საგზური და მოხვედრა ჩემპიონთა ლიგის კვირის სიმბოლურ გუნდში. 17 მაისი, &bdquo;ოსერის“ წინააღმდეგ (3–1) შესრულებული პირველი დუბლი საფრანგეთში, როდესაც მატჩის ბედი მარტომ გადაწყვიტა.   თუმცა, რამდენი ბრწყინვალე მწვერვალიც უნდა დაიპყროს საკლუბო დონეზე, ხვიჩასთვის მთავარი მაინც საქართველოა, ის ერთადერთი გვარი და ეროვნული ნაკრები, რომლის მაისურით თამაშზეც ბავშვობიდან ოცნებობდა. ყველაფერი 2016 წლიდან, ასაკობრივი ნაკრებებიდან დაიწყო. ეროვნულ გუნდში კი მისი დებიუტი 2019 წლის 7 ივნისს, ევროპის ჩემპიონატის შესარჩევი ეტაპის ფარგლებში, გიბრალტარის ნაკრების წინააღმდეგ შედგა. თავისი პირველი გოლი ეროვნული ნაკრების მაისურით 2020 წლის 14 ოქტომბერს, ერთა ლიგაზე, ჩრდილოეთ მაკედონიის კარში გაიტანა (1–1). შემდეგ იყო დაუვიწყარი 2021 წელი, მსოფლიო ჩემპიონატის შესარჩევში ისეთ გრანდებს გაუტანა, როგორებიც ესპანეთი, საბერძნეთი და შვედეთი იყვნენ (დუბლი). დადგა 2022 წელი: წელი, როდესაც კვარამ და მისმა თანაგუნდელებმა ვილი სანიოლის ხელმძღვანელობით სასწაული მოახდინეს. ერთა ლიგის 4 ტურში გატანილი 3 გოლით, 2 პასითა და მოპოვებული ორი პენალტით იგი Sofascore-მა ტურნირის საუკეთესო ფეხბურთელად დაასახელა. 23 სექტემბერს, &bdquo;დინამო არენაზე“, ჩრდილოეთ მაკედონიასთან მოპოვებული გამარჯვებით საქართველოს ნაკრებმა B დივიზიონის საგზური გაინაღდა,  ამ ისტორიულ წარმატებაში კი კვარას ხელწერა წაშლილი არასდროს იქნება.   რამდენად დიდი ამბავია პატარა ქვეყნისთვის ასეთი შვილის ყოლა, არა?  წარმოიდგინეთ მიწა, რომელსაც ბევრი ტკივილი და განსაცდელი ახსოვს, და უცებ, ამ მიწაზე იბადება ბიჭი, რომელიც მთელ პლანეტას აიძულებს იცნობდეს საქართველოს და მის შვილს. გიორგი კეკელიძის წიგნში ის შესანიშნავადაა დასათაურებული: &bdquo;ხვიჩა, ვარსკვლავი სახელად ვარსკვლავი“. და მართლაც, მეგრულ ენაში &bdquo;ხვიჩა ხვიჩა მურიცხეფი“ მოკაშკაშე ვარსკვლავს ნიშნავს. ის ჩვენი ცის კაბადონზე აჭრილი ამომავალი მზე და მარადიული მურიცხია, რომელიც გვახსენებს, რომ ჩვენი შესაძლებლობებს ზღვარი არ უნდა ჰქონდეს.   დღეს, როდესაც ხვიჩა მსოფლიო ფეხბურთის ელიტაშია, მისი სახელი სულ უფრო ხშირად ისმის ყველაზე პრესტიჟული ინდივიდუალური ჯილდოს, ოქროს ბურთს როცა განიხილავენ. და დაფიქრდით, რამდენად ახლოს ვართ ამ ოცნების ასრულებასთან…მიუხედავად იმისა, რომ საქართველოს ნაკრებმა 2026 წლის მსოფლიო ჩემპიონატის საგზური ვერ მოიპოვა და კვარამ ზაფხულის მთავარი გლობალური სპორტული ფორუმი გამოტოვა, მისმა  თამაშმა ამით ფასი არ დაკარგა. მართალია, კონკურენცია საშინლად მძიმეა, ჰარი კეინი, ლამინ იამალი, კილიან მბაპე, უსმან დემბელე, მაიკლ ოლისე თუ ჯუდ ბელინგემი ამ პრესტიჟული ჯილდოსთვის იბრძვიან, მაგრამ საფეხბურთო სამყაროს ნაწილის მტკიცე აზრით, კვარა წელს ამის სრულუფლებიანი კანდიდატი და ფავორიტია. განსაკუთრებით მაშინ, როდესაც მის უკან 25/26 წლის სეზონის ჩემპიონთა ლიგაზე 16 თამაშში გატანილი 10 გოლი და 6 საგოლე გადაცემა დგას.   იმისათვის, რომ ეს ოცნება რეალობად იქცეს, ნიჭთან და თავდაუზოგავ შრომასთან ერთად (რის დეფიციტსაც კვარა არ განიცდის) კლუბსაც უდიდესი როლი აკისრია. ზუსტად ისე, როგორც პსჟ-მა შარშან უსმან დემბელეს დაუჭირა მხარი და სრული ნდობა გამოუცხადა, ფრანგულმა გრანდმა ხვიჩას უნდა შეუქმნას იდეალური გარემო. კვარას ნიჭი მზად არის მსოფლიოს მწვერვალები დაიპყროს და ამაზე ორი აზრი არ არსებობს და არც უნდა არსებობდეს.    <img src="/media/uploads/2026/08-06/kvara-ballondor-small-1786002419.jpg" alt="kvara-ballondor-small-1786002419.jpg" width="825" />   ხვიჩა დღეს ჩვენი იმედია და მის უკან ამ დიდ გზაზე მთელი საქართველო დგას. და როცა ის მორიგ მწვერვალს მიაღწევს, ჩვენ უნდა გვახსოვდეს, რომ ეს მხოლოდ დასაწყისია იმ დიდი ზღაპრისა, რომელსაც ერთად ვწერთ… Kvara ballon d'or. დაიმახსოვრეთ: “ეს ცეკვა “ქართულია”, მას ვერავინ იცეკვებს, რასსა არ ეყოფა!”.   სპეციალურად საიტისთვის მოამზადა მარიამ ვაშაკიძემ

დავით 67

ერთი გიყვარს თუ არა დაბრმავება, მაგრამ ფაქტი სხვაა. დაბრმავებული რომ ხარ. არ ვიცი აქ ხშირად აკეთებს ადამიანი კომენტარს სიმართლის სახელით. არადა ყველაზე დიდ ტყუილს წერს. არ ვიცი ეს შენ ხარ თუ სხვაა. აქ მისცემენ თუ არ მისცემენ ამაზე არაა საუბარი. მე და არამარტო მე, ასევე ბევრი უცხოური სპორტული საიტები,მათ შორის რუსულიც,წერენ რომ ხვიჩამ ეს დაიმსახურა, რადგან ჩემპიონთა ლიგაა უმეღლესი ტურნირი ფეხბურთში და არა მსოფლიო ჩემპიონატი,სადაც ნაკრები 5-6 თამაშს ატარებს. თუნდაც 8 იყოს. კიდევ პარადოქსი ისაა რომ ამბობ არ ეკუთვნისო. აქ მთავრდება უკვე შენი სიმართლე.
ვაჟა მასწავლებელი

მარიამის სტატიას +, ძალიან მომეწონა და კარგია, მაგრამ თუ მაინცადამაინც მხატვრებიდან ვირჩევთ ზედმეტსახელს, იქნებ "კვარასმანი"-ს დარქმევა გვეცადა? რომელ ევროპელ მხატვარზე ნაკლები და უცნობი იყო ქართველების მსოფლიოში განუმეორებელი ნიკალა? როგორც "პრიმიტიულად" და ბავშვურად ხატავდა ნიკალა, ზუსტად ისე - "პრიმიტიულ", ბავშვურ და ძველქართულ, ანუ ძველთბილისურ იტალიურ-ეზოურ, მხოლოდ მსოფლიო დონეზე აყვანილ თანამედროვე ფეხბურთს თამაშობს კვარა ევროპაში აღიარებულ Top - 5 ლიგებში და ამითაა დიდებული და განუმეორებელი!
საუკუნო სიმართლე

როგორ არ მიყვარს ეს თავის დაბრმავება. ყველა იცით გულის სიღმრეში, რომ წელს ოქროს ბურთს ვერ აიღებს კვარაცხელია (ობიექტურად არც ეკუთვნის).

Geo Team: ლოჩოშვილი 5.5 მილიონი ევროს სანაცვლოდ ბუნდესლიგის კლუბს შეუერთდება

Breaking: სანდრო მამუკელაშვილი "ლოს ანჯელეს ლეიკერსის" კალათბურთელია!

Geo Team: ქვილითაია კარიერას გერმანიის ჩემპიონატში გააგრძელებს

"ვერ ვხვდები, ამ კაცმა მეტი რაღა უნდა ჩაიდინოს?" - ფიგუ ინფანტინოს გადადგომას მოითხოვს

"ნაპოლიმ" "ბაიერს" მცველი 30 მილიონად მიჰყიდა

[PHOTO] "ჩემი სათამაშოები" - რონალდომ თავისი ძვირფასი ავტოპარკი აჩვენა

18-წლამდელები სამხრეთ აფრიკაში ჩავიდნენ

ტყვიის სროლა. დიდი წარმატება ვროცლავში

"რეალმა" სათამაშო პრაქტიკის მისაღებად მასტანტუონო იტალიაში გაანათხოვრა

კვლავ აფრიკაში - ერვე რენარი ნაცნობ ადგილას დასაქმდა

კონტრაქტს ჯერ არ გაუგრძელებენ, მაგრამ რჩება - "ინტერმა" ჩალღანოღლუსთან დაკავშირებით გადაწყვეტილება მიიღო

ხანგლძრივი მოლაპარაკებების შემდეგ, "არსენალმა" ბრუნო გიმარაეში შეიძინა

მიდის თუ რჩება - ილია ზაბარნიმ თავის მომავალზე გადაწყვეტილება მიიღო

"ჩემი ოცნება "მილანთან" ერთად რაიმეს მოგება იყო" - მოდრიჩმა "როსონერიში" თავის მისიაზე ისაუბრა

Hisense წარმოგიდგენთ გზავნილს „ინოვაციები უკეთესი ცხოვრებისათვის“ FIFA-ს 2026 წლის მსოფლიო ჩემპიონატზე

20 წ. | საიმონ კიბლი: საქართველომ გამორჩეულად წარმატებული ტურნირი ჩაატარა

ქართველი მსაჯები ევროპა ლიგის მატჩს განსჯიან

[VIDEO] მძიმე მატჩი, შედეგი სასურველი - "იბერია 1999"-ს მომდევნო რაუნდში გასვლის კარგი შანსი აქვს

"ლარნესთან" მატჩში "იბერია 1999"-ის შემადგენლობა ცნობილია

ნორვეგიის ნაკრების მეკარე "ლაიფციგში" დაბრუნდა

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

გადადის თუ არა ფერან ტორესი პსჟ-ში?

"შალკემ" 40 წლის ჯეკოს კონტრაქტი გაუგრძელა

ხვიჩამ და პსჟ-მ დაიწყეს - ზედიზედ მესამედ ჩემპიონთა ლიგის მოსაგებად?

[VIDEO] კვარაცხელიამ 60 წუთი ითამაშა - პსჟ სეზონის პირველ მატჩში "მალიორკასთან" დამარცხდა

ეს უმაღლესი კლასია - "ცხოვრება ვარდისფერ ფერებში" ხვიჩასგან!..

კვარაცხელია და "ოქროს ბურთი" სულ უფრო რეალური ხდება - ხვიჩამ საფრანგეთიდან დიდი მხარდაჭერა მიიღო

"გთხოვთ... "ოქროს ბურთი" მან უნდა მოიგოს" - დუემ თანაგუნდელი გამოარჩია

სუპერთასების "სერია" ხვიჩას და "ჩაკვე" "ბარსას" წინააღმდეგ - რას ვნახავთ აგვისტოში

ფასები განახლდა - კვარაცხელია ძვირად ღირებულთა პირველ ათეულშია

მოულოდნელი ამბავი - ალ-ხელაიფი პსჟ-იდან წავა და FIFA-ს პრეზიდენტობისთვის იბრძოლებს?

[VIDEO] "ოქროს ბურთის" ხუთი ყველაზე დიდი უსამართლობა?

"შეუძლია თუ არა კვარაცხელიას "ოქროს ბურთის" მოგება? - ტოტიმ ქართველზე ისაუბრა

მოიგებს "კვარა" "ოქროს ბურთს"? - დეტალური ანალიზი

Le Parisien: ასეთ შემთხვევაში კვარაცხელია "ოქროს ბურთს" დაეუფლება