დღეს, 30 ივლისს, ბათუმის "რაგბი არენაზე" საქართველოს ეროვნული ლიგის მე-20 ტურის ბოლო შეხვედრა გაიმართა, სადაც ერთმანეთს ქობულეთის "შუქურა" და ქუთაისის "ტორპედო" დაუპირისპირდნენ.მატჩი ქუთაისელთა გამარჯვებით, ანგარიშით 2:1 დასრულდა.
ანგარიში მატჩის მე-10 წუთზე "შუქურას" ფეხბურთელებმა გახსნეს - თავი დავით ჩაგელიშვილმა გამოიჩინა. 26-ე წუთზე გიორგი კუხიანიძემ ანგარიში გაათანაბრა, მატჩის საბოლოო ანგარიში კი 55-ე წუთზე თორნიკე კაპანაძემ დააფიქსირა.
ამ გამარჯვებით "ტორპედოს" 43 ქულა დაუგროვდა და მართალია, კვლავ მეორე ადგილზეა, თუმცა ლიდერ თბილისის "დინამოს" ახლა სამი ქულით ჩამორჩება. "შუქურა" კი 7 ქულით ბოლო ადგილზეა.
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
