31 ოქტომბერს ეროვნული ლიგის 22-ე ტურის გამოტოვებულ მატში "ტორპედომ" თბილისში "დინამოს" 1:0 სძლია.
ამ შეხვედრას ორივე გუნდისთვის დიდი მნიშვნელობა ჰქონდა და ძალიან დაძაბულად წარიმართა.
მე-8 წუთზე შორიდან ქიმაძის ძლიერად დარტყმული ბურთი მეკარე სიკაჩმა მოიგერია, დამატებაზე კი ყველას კაპანაძემ დაასწრო და გოლი გაიტანა.
მიუხედავად იმისა, რომ სიტუაციიდან გამომდინარე, მასპინძლებს აქტიურობა მართებდათ, უპირატესობას სტუმრები ფლობდნენ და ბურთსაც აკონტროლებდნენ. "ტორპედოს" ფეხბურთელები დაცვაში მარჯვედ მიმართავდნენ პრესინგს და მეტოქის იერიშებს ანეიტრალებდნენ.
ქუთაისელები მოედნის ცენტრში სჯაბნიდნენ თბილისელებს, "დინამოს" მწვრთნელმა კაჭარავამ ვითარების შეცვლა ცვლილებებით სცადა, მაგრამ მოედანზე არაფერიც არ შეიცვალა. ეგ კი არადა, კომპენსირებულ დროში კუტალიამ რამდენიმე მცველი ჩამოიცილა და მეკარესთან პირისპირ გასულმა ვერ შეძლო მეორე გოლის გატანა.
"ტორპედომ" გაიმარჯვა და აგერ უკვე 15 მატჩია დაუმარცხებელია.
"დინამო" მეორე ადგილზე დარჩა და ლიდერ "საბურთალოს" 5 ქულით ჩამორჩება, ხოლო "ტორპედომ" მესამე პოზიციაზე გადაინცვლა.
თბილისი. "დინამო არენა"
დინამო - ტორპედო 0:1
გოლები: 0:1 თორნიკე კაპანაძე (9)
დინამო (4-4-2): სტეფან სიკაჩი, გუჯა რუხაია, ლაშა თოთაძე (კ), ლუკა ლოჩოშვილი (ლევან ხარაბაძე 64), დავით კობოური, აკაკი შულაია, დმიტრო ივანისენია (გიორგი კუცია 64), ლევან შენგელია, ნიკა ნინუა, ბუდუ ზივზივაძე, მათე ვაწაძე (ლაშა ქოჩლაძე 71)
მთ. მწვრთნელი: კახაბერ კაჭარავა
ტორპედო (4-2-3-1): როინ კვასხვაძე (კ), დავით ხურცილავა (ლაზარ მარინი 55), ოლეკსანდრ აზაცკი, ლევან გეგეჭკორი, გიორგი ქიმაძე, მამუკა კობახიძე, მათე ცინცაძე, არფანგ დაფე, გრიგოლ დოლიძე (ლევან კუტალია 66), მერაბ გიგაური, თორნიკე კაპანაძე (გიორგი კუხიანიძე 77)
მთ. მწვრთნელი: კახაბერ ჩხეტიანი
![alt](/pictures/image50/dd2c464a0348ab61e44c6e8bb83c5037.jpg "ეროვნული ლიგა. XXII ტური: "ტორპედომ" "დინამოსთან" დამსახურებული გამარჯვება მოიპოვა [VIDEO]")
კახა კაჭარავა: გოლის შემდეგ ნერვიულობა დავიწყეთ და...![alt](/pictures/image50/185fd1d0e7219d6604bf757bced1ce32.jpg "ეროვნული ლიგა. XXII ტური: "ტორპედომ" "დინამოსთან" დამსახურებული გამარჯვება მოიპოვა [VIDEO]")
კახა ჩხეტიანი: "ტორპედომ" სანახაობრივი ფეხბურთი აჩვენა და პლუს, სამი ქულა აიღო![alt](/pictures/image50/672db1955a8ce4273947cba74de87623.jpg "ეროვნული ლიგა. XXII ტური: "ტორპედომ" "დინამოსთან" დამსახურებული გამარჯვება მოიპოვა [VIDEO]")
"ტორპედოს" "ტიკი-ტაკა" "დინამოსთან", რომელსაც გულშემატკივრის ტაში მოჰყვა [VIDEO]
ტორპედო არარის ქვეყნის სახე ან რომელიმე ქართული გუნდი?