ეროვნული ლიგის ჩემპიონმა თბილისის "საბურთალომ" ორი ახალი ფეხბურთელი დაიმატა."საბურთალოს" ღირსებას ახალი სეზონიდან ცენტრალური მცველი ლევან კაკუბავა და უკრაინელი მეკარე დენის შელიხოვი დაიცავენ.
ამის შესახებ ინფორმაცია თბილისურმა კლუბმა "ფეისბუქის" მეშვეობით გაავრცელა.
ლევან კაკუბავა ბოლოს საჩხერის "ჩიხურაში" ასპარეზობდა. რაც შეეხება 29 წლის დენის შელიხოვს, იგი ბელორუსის პრემიერლიგის კლუბ მინსკის "ლუჩის" კარს იცავდა.
ახალწვეულებმა თბილისურ კლუბთან 2-წლიან ხელშეკრულებას მოაწერეს ხელი და ისინი კლუბმა ზამთრის თასზე წარადგინა.
![alt](/pictures/image50/dab95bd183bf08ca9a972b81d7ac5c0e.jpg ""საბურთალომ" ზამთრის თასზე ორი ახალწვეული წარადგინა")
თბილისის "საბურთალომ" შეკრება და მეტოქეები დაგეგმა
