ქუთაისის "ტორპედოს" ყოფილმა მთავარმა მწვრთნელმა კახა ჩხეტიანმა იმერული კლუბიდან წასვლის შემდეგ განცხადება გაავრცელა.
"ძალიან რთული იყო ჩემთვის ამ გადაწყვეტილების მიღება, მაგრამ, ალბათ, ოდესღაც ყველაფერ კარგსაც აქვს თავისი დასასრული.
მინდა, მადლობა გადავუხადო ჩემს სამწვრთნელო შტაბს და ყველა იმ ადამიანს, რომელიც "ტორპედოში" მუშაობს. მადლობა ყველას, ვინც კარგ და ცუდ პერიოდში კლუბის გვერდით ღირსეულად იდგა. მადლობა ქუთაისს და იმ ერთგულ გულშემატკივარს, ვისი გვერდში დგომის გარეშეც ვერაფერს შევძლებდით. თქვენგან ყოველთვის ვგრძნობდი სითბოსა და სიყვარულს. მადლობა ყველა იმ ფეხბურთელს, ვისაც ამ სამი წლის განმავლობაში "ტორპედოს"
მაისური ეცვა.
კლუბის წარმატებაში თითოეულმა მათგანმა თავისი წვლილი შეიტანა, გაჭირვების დროს კლუბის ინტერესები გაითვალისწინა და გვერდით დაუდგა. კლუბში ახალი ინვესტორის მოსვლის საკითხი ჯერ კიდევ პროცესშია და, ვიმედოვნებ, რომ ყველაფერი სასიკეთოდ დასრულდება.
"ტორპედო" აუცილებლად სჭირდება ქართულ ფეხბურთს. და ბოლოს, მადლობა უფალს აქ გატარებული იმ სამი წლისთვის, რომელიც ყოველთვის ჩემს გულში იქნება. ძალიან მიყვარხართ!"
ხელის მოწერა დარჩა - კახა ჩხეტიანი ორშაბათიდან "დინამოს" ჩაიბარებს.
"ჩხეტო მადლობა" - "ტორპედო" ჩხეტიანს დაემშვიდობა [VIDEO]
