თურქულ შეკრებაზე თბილისის "დინამო" მესამე საკონტროლო მატჩში კრაკოვის "ვისლასთან" 2:3 დამარცხდა, რომელიც 25 იანვარს ბათუმის "დინამოს" დაუზავდა (1:1).
მე-60 წუთზე პოლონური გუნდი ბუკსამ დააწინაურა. 66-ე წუთზე პენალტი კაპანაძემ მოიპოვა და თავადვე გამოიყენა თერთმეტმეტრიანი. 71-ე წუთზე პენალტი უკვე ჩვენი გუნდის კარში დაინიშნა და გამოცდილმა ნახევარმცველმა ბლაშიკოვსკიმ, რომელიც ადრე "ვოლფსბურგისა" და "დორტმუნდის" ღირსებას იცავდა, "კრაკოვია" ისევ წინ გაიყვანა. 86-ე წუთზე მექვაბიშვილმა თავურით თანაფარდობა აღადგინა. დროებით. 90-ე წუთზე საჯარიმოდან ჩაწოდებულ ბურთზე ჰებერტს ხელი არავინ არ შეუშალა და თავურით გამარჯვების გოლი გაიტანა.
"დინამო" (სასტარტო): მიგინეიშვილი, ტრუბოჩკინი, ლოჩოშვილი, ბენიო, კობოური, პაპავა, ნინუა, ქარდავა, კუხიანიძე, ქიმაძე, მჭედლიძე
მეორე ნახევარში შეცვლაზე შევიდნენ: კვასხვაძე, იაშვილი, სანდოხაძე, ჯანგიძე, კალანდაძე, კუცია, ზარია, მოისწრაფიშვილი, მექვაბიშვილი, კაპანაძე, ბუღრიძე, ახვლედიანი
შეგახსენებთ, აქამდე შეკრებაზე "დინამო" რუმინეთის "ვოლუნტართან" (1:3) და ბულგარეთის "არდასთან" (2:3) დამარცხდა.
![alt](/pictures/image50/4cec2329cba5053add8606e884ca15cf.jpg "თბილისის "დინამო"")
თბილისის "დინამომ" თურქულ შეკრებაზე მეორე მარცხი განიცადა [VIDEO]![alt](/pictures/image50/33ff0a18cf067609a442e0615d768021.jpg "თბილისის "დინამო"")
თბილისის "დინამოს" არავოლუნტარისტული მარცხი "ვოლუნტართან" [VIDEO]
