გუშინ, "დილასთან" თასის მერვედფინალური მატჩის (3:1) 41-ე წუთზე ტრავმა მიიღო და მოედანი საკაცით დატოვა გიორგი კოხრეიძემ, რომელმაც ჯვარედინ იოგზე ტრავმა 8-თვიანი პაუზის შემდეგ მოირჩინა. "საბურთალოს" კაპიტანმა დაზიანება იგივე მუხლზე მიიღო. ფეხბურთელს ჩაუტარდა გამოკვლევა, რის შემდეგაც დაიგეგმა შესაბამისი მკურნალობის კურსი.
უფრო კონკრეტულად ტრავმის შესახებ, "საბურთალოს" ექიმი, ლევან ქებაძე განმარტავს:
"გიორგი კოხრეიძეს გუშინ გვიან პირველადი გამოკვლევა ჩაუტარდა. ამ დროისთვის მდგომარეობა საგანგაშო არაა, თუმცა საყურადღებოა. ჯვარედინი იოგის მაღალი ხარისხის დაზიანება არ ჩანს, მაგრამ შეშუპებულია და მცირედით დეფორმული. დაიგეგმა შესაბამისი მკურნალობის კურსი და დინამიკაში
განმეორებითი კვლევა ჩატარდება 10 დღეში, რის შემდეგაც უფრო კონკრეტულად გვეცოდინება შემდგომი მკურნალობის სტრატეგია. დღევანდელი მდგომარეობით თუ დინამიკა დადებითად განვითარდა, გიორგი საწვრთნელ პროცესს 6-8 კვირის განმავლობაში დაუბრუნდება.
რადგან ოპერაცია ევროპაში გაიკეთა, ჩავთვალეთ საჭიროდ, რომ საქმის კურსში ჩაგვეყენებინა ესპანელი ექიმი. მასაც გადავუგზავნეთ შესაბამისი გამოკვლევები. ჯვარედინ იოგზე ტრავმა ერთ-ერთი ყველაზე რთული ტრავმაა ფეხბურთელში. ამ ოპერაციიდან პირველ 24 თვეში უფრო მეტად არის რისკი განმეორებითი ტრავმის".
fcsaburtalo.ge
კოხრეიძე დაბრუნდა და დუბლიც შეასრულა
![საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]](/pictures/image7/f0934612d6018858b98dd76342cf9900.png "საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]")
![დრამატული ფინალი შეხლა-შემოხლითა და კომპენსირებულ დროში გატანილი გოლით - "საბურთალომ" თასი მოიპოვა [VIDEO]](/pictures/image7/e7cd1ebf6d55c8444c189b08bc806cb2.png "დრამატული ფინალი შეხლა-შემოხლითა და კომპენსირებულ დროში გატანილი გოლით - \"საბურთალომ\" თასი მოიპოვა [VIDEO]")
