ეროვნული ლიგის 29-ე ტურში თბილისის "დინამომ" საკუთარ მოედანზე ბათუმის "დინამო" (1:0) დაამარცხა და გალიდერდა. არადა, ევროტურნირებზე შემდეგ, ბათუმელთა უპირატესობა 9 ქულას შეადგენდა, თუმცა ლიდერების წასვლამ გია გეგუჩაძის გუნდი ძალიან დაასუსტა. შეხვედრა ნაკლებად სანახაობრივი გამოდგა, საქართველოში პირველად კი VAR-ის ვიდეოგამეორების სისტემა გამოიყენეს.
შეხვედრის მთავარმა არბიტრმა, ფიფას პირველი კატეგორიის მსაჯმა, ირაკლი კვირიკაშვილმა VAR-ის მეშვეობით თბილისელთა განელი შემტევის, ბარნ ოსეის უხეშობა გადაამოწმა და მას ყვითელი ბარათი (გაფრთხილება) გაძევებით შეუცვალა.
ეროვნული ლიგის დასრულებამდე 7 ტურია დარჩენილი, გიორგი ჭიაბრიშვილის "დინამო" კი ჩემპიონატს 2 ქულით ლიდერობს.
თბილისის "დინამომ" ბათუმის "დინამოს" სხირტლაძის გოლით სძლია და გალიდერდა [VIDEO]
