ეროვნული ლიგის 33-ე ტურში წყალტუბოს "სამგურალმა" ქუთაისის "ტორპედოს" უმასპინძლა. მატჩი ფრედ, 2:2 დასრულდა.
ანგარიში ქუთაისელთა მარცხენა მცველმა, ლაშა შერგელაშვილმა მე-17 წუთზე ლამაზი დარტყმით გახსნა. აღსანიშნავია, რომ ლევან შოვნაძეს ბურთის მოგერიები რიკოშეტის გამო გაუჭირდა. მასპინძელთა ფორვარდმა გიორგი ნიკაბაძემ 45+1 წუთზე წონასწორობა აღადგინა. 59-ე წუთზე წყალტუბოელები ნიქაბაძის დუბლით წინ გავიდნენ. 86-ე წუთზე საბოლოო ანგარიში მათე ცინცაძემ დააფიქსირა, რომელმაც გიორგი ახვლედიანის წაქცევის გამო დანიშნული პენალტი ზუსტად შეასრულა. "სამგურალს" შეხვედრის მოგება 98-ე წუთზე შეეძლო - მეკარესთან პირისპირ გასულ ნიკიტა სიმნდიანკინს როინ კვასხვაძემ ურთულესი დარტყმა აუღო და საკუთარ გუნდი წაგებისგან იხსნა.
33 ტურის შემდეგ "სამგურალი" 53 ქულით მე-3 ადგილზე იმყოფება, შემდეგ შეხვედრას 12 ნოემბერს, ბათუმის "დინამოსთან" ჩაატარებს.
"ტორპედო" 50 ქულით მე-4 პოზიციას იკავებს, 11 ნოემბერს კი "გაგრას" უმასპინძლებს.
"ტორპედომ" თბილისის "დინამო" დაამარცხა და თასის ფინალში გავიდა [VIDEO]
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
