10 ბალიანი სისტემა - საქართველოს ნაკრების შეფასება ანდორასთან მატჩში

AutoSharing Option
ერთა ლიგის მეხუთე ტურის მატჩში საქართველოს ნაკრებმა ანდორასთან ფრე (1:1) ითამაშა.

სამწუხაროდ ამ შემთხვევაში მოგებათა სერიაც შევაჩერეთ და მშრალი სერიაც დასრულდა, ეს კი არაერთმა მიზეზმა განაპირობა.

გთავაზობთ ფეხბურთელთა 10 ბალიან შეფასებებს.

გიორგი ლორია - 4.0 - ერთი დარტყმა და ერთი გოლი, რამდენჯერაც არ უნდა უყურო ამ მომენტს, ეს ნამდვილად არ იყო აუღებელი ბურთი. მითუმეტეს იმ ფონზე, როდესაც საქართველოს ნაკრების მეკარეს უფრო რთულად ასაღები ბურთები გაუნეიტრალებია. თუმცა მარტო ესეც არ არის, მისი გადაცემები ხშირად არაზუსტი იყო და რამდენჯერმე გარისკა კიდეც. ფაქტია,
ლორიას სასწრაფოდ ესაჭიროება პრაქტიკა, სხვა შემთხვევაში რეგრესი სახეზეა.

ოთარ კაკაბაძე - 6.0 - საქართველოს ნაკრების მარჯვენა მცველს ორივე გოლის შემთხვევაში წვლილი მიუძღვის, პირველ შემთხვევაში გიორგი ჩაკვეტაძეს იდეალური გადაცემა გაუკეთა, მეორე შემთხვევაში მის ჯარიმას მოჰყვა გოლი. სხვა მხვრივ ძალიან ხშირად ერთვებოდა შეტევებში და დაცვაშიც ნორმალურად გამოიყურებოდა.

დავით ხოჭოლავა - 5.5 - "შახტარის" მცველს ბევრი საქმე არ ჰქონია, ცენტრალური დაცვა ძირითად შემთხვევაში უსაქმოდ გვყავდა. ერთადერთი ფაქტი რაც მას თანაგუნდელებისგან გამოარჩევს პასების სიზუსტეა, მან ყველაზე მაღალი მაჩვენებელი 92.9% დააფიქსირა.

ჯიმი ტაბიძე - 5.5 - "უფას" მცველს დატვირთვა არ ჰქონია, არც მეტოქე აწუხებდა ხშირად და არც თვითონ აწუხებდა მათ.

გიორგი ნავალოვსკი - 5.5 - იმ ფონზე როდესაც ძირითად შემადგენლობაში ჯაბა კანკავა და გურამ კაშია არ იყო, ნავალოვსკი კაპიტნად მოგვევლინა. ფლანგიდან ცდილობდა სიტუაციის გამწვავებას, თუმცა ნაკლებად გამოსდიოდა და ხშირ შემთხვევაში გიორგი ჩაკვეტაძის პასებით მომმარაგებელი იყო.

ვაკო გვილია - 4.5 - სამწუხაროდ გვილია იმ ფეხბურთს ვეღარ აჩვენებს რაც გვახსოვს, ეს ისევ და ისევ პრაქტიკის არ ქონის ბრალია. ერთ-ერთი უსუსტესი შეხვედრა ჩაატარა საქართველოს ნაკრებში და ვიმედოვნოთ, რომ უახლოეს მომავალში თავის ძველ კონდინციებს დაუბრუნდება.

ნიკა კვეკვესკირი - 5.5 - იმ ფონზე როცა ორი საქმის გაკეთება სრულად მას უწევდა - შეტევების ჩაშლაც და პასებიც გაცემაც, ცოტა აირია და ორივეს თანაბრად ვერ ახერხებდა. თუმცა ის ერთა ლიგაზე კანკავასთან ერთად კარგ წყვილს ქმნიდა და კაპიტნის დაბრუნების შემდეგ, ალბათ თავის საქმეს უფრო კარგად შეასრულებს.

ოთარ კიტეიშვილი - 6.0 - პირველ ტაიმში ალბათ ერთ-ერთი საუკეთესო იყო მოედანზე, ხშირად ამწვავებდა შეტევებს და ამავდროულად  თანაგუნდელებს შეტევების ჩაშლაში ეხმარებოდა. თუმცა მეორე ტაიმში ის ისეთივე აღარ იყო, რასაც საბოლოოდ მისი შეცვლა მოჰყვა.

გიორგი ჩაკვეტაძე - 6.5 - ვლადიმირ ვაისმა პრესკონფერენციაზე თქვა, ჩაკვეტაძე ყველაფერს მარტო ვერ გააკეთებსო და მართალია, თანაგუნდელებმაც უნდა აუბან მას მხარი, რათა თვითონაც უფრო უკეთესად წარმოჩინდეს და ისინიც. მან შეხვედრის დასაწყისშივე გოლი გაიტანა, ამავდროულად ცდილობდა თანაგუნდელები დასარტყმელ პოზიციებზე გაიყვანა. მცდელობა იმისა, რომ მეტოქის მცველებისთვის თავგზა აებნია, მეტოქის უხეში ქმედებებით სრულდებოდა, რაც ტრავმის რისკს ქმნიდა ხელოვნურსაფარიან მოედანზე.

ვაკო ყაზაიშვილი - 4.0 - 34 გაცემული პასი! მისი პოზიციისთვის უჩვეულოა, იყო თუ არა საერთოდ მოედანზე ესეც საკითხავია. მოედანზე არა ვაკო არამედ მისი აჩრდილი დარბოდა, იმედია თვითონაც აცნობიერებს იმას, რომ "სან ხოსესთან" კონტრაქტი აღარ უნდა გააგრძელოს და სასწრაფოდ ევროპაში დაბრუნდეს. ამავდროულად უნდა ავღნიშნოთ ისიც, რომ ის ნომინალურად მარჯვენა ფლანგზე მოგვევლინა, თუმცა იქ მისი ადგილი არ იყო და ცენტრში გადმოსულს აღარაფერი გამოსდიოდა.

ბაჩანა არაბული
- 4.5 - დაახლოებით ორი მომენტი მაინც ჰქონდა, როცა შეეძლო გაეტანა, თუმცა სათანადოდ ვერ იმოქმედა. "პუშკაშის" ფორვარდმა თავდამსხმელის პრობლემა ნამდვილად ვერ გადაჭრა. არც პოზიციონერებაში გამოირჩეოდა და არც საქმეში.

ცვლილებები

ვახტანგ ჭანტურიშვილი - დაახლოებით 13 წუთი იყო მოედანზე და მხოლოდ ორი ზუსტი პასი გააკეთა, მისთვის კი ეს დრო შანსი იყო რათა თავი უკეთესად წარმოეჩინა, მითუმეტეს იმ ფონზე რომ მეტოქის ფეხბურთელები ვარსკვლავებს ვერ წყვეტდნენ.

ნიკა კაჭარავა - "ანორთოსისის" ფორვარდისგან არც არაფერს განსაკუთრებულს ველოდით და არც არაფერი გაუკეთებია.

ლუკა ზარანდია - იმ ფონზე როცა ნაკრები ვერაფერს აკეთებდა, ზარანდიასნაირი ტექნიკური ფეხბურთელი გაცილებით ადრე უნდა გამოჩენილიყო მოედანზე, თუმცა ის მოედანზე 87-ე წუთზე ვიხილეთ.

ვლადიმირ ვაისი 4.0 - როდესაც ანდორასთან ფრეს თამაშობ, აქ მწვრთნელის ბრალეულობა დიდია. ფაქტია სლოვაკმა თავის კოლეგასთან სამწვრთნელო დუელი წააგო. იმ ფონზე, როცა ბოლომდე იდეალურად გვინდოდა საკვალიფიკაციო ეტაპის დასრულება, ამდენი ცვლილება არ იყო საჭირო და გუნდის მოშლა. შეიძლება ცენტრალურ მცველებს საქმე არ ჰქონიათ, თუმცა მოედანს აკლდა ლიდერი და გურამ კაშია რომელიც საკმაოდ დიდ როლს თამაშობს მოედანზე სათადარიგო სკამზე იყო. არც უპრაქტიკო ფეხბურთელების თამაშმა გაამართლა, არც მარჯვენა ფლანგზე ყაზაიშვილის გამწესებამ და ვერც ბაჩანა არაბულის ფორვარდობამ. საბოლოო ჯამში მეოთხე კალათაც კითხვის ნიშნის ქვეშ დადგა და მაკედონიაც ერთი ქულის ზღვარზე მოგვიახლოვდა.

altვლადიმირ ვაისი: ასეთი გოლი არ უნდა გაგვეშვა - ყველაფერს ჩაკვეტაძე ვერ გააკეთებს

მკითხველის კომენტარები / 27 /
ეს ფეხბურთის ფედერაცია ისეა პოლიტიკაში ჩართული, რომ ფეხბურთი ალბათ დაავიწყდათ! რატომ არ მიუთითებთ ვაისს დროული შეცვლები გააკეთოს? დავიღალეთ კაჭარავას ყურებით! 87-ე წუთზე შემოყავს ზარანდია, რა ქნას ამ ბიჭმა 3 წუთში? არაბიძეს ხო საერთო აღარ იძახებენ! ნახეთ როგორ თამაშობს თავის გუნდში.
0
ვაისს ღმერთმა ნუ ქნას ნახევარფინალის თამაში სტუმრად მოგვიწიოს თორემ დაგვრჩები უმუშევარი!!!
იაგო
00:26 18-11-2018
0

ასევე დაგაინტერესებთ
სიახლეები პოპულარული
ევროშესარჩევი
#
გუნდი
1
ირლანდია
2
2
0
0
2
6
2
შვეიცარია
2
1
1
0
2
4
3
დანია
1
0
1
0
0
1
4
გიბრალტარი
1
0
0
1
-1
0