საქართველოს ნაკრებმა ევრობასკეტი 2021-ის საკვალიფიკაციო ეტაპის პირველ მატჩში შვეიცარიას ოვერტაიმში 96:88 სძლია, შეხვედრის შემდეგ კი კომენტარი ჩვენი გუნდის კალათბურთელმა ბექა ბურჯანაძემ გააკეთა, რომელმაც 21 ქულა ჩააგდო.
"ჩემთვის გულშემატკივარი უდიდესი მოტივაციაა. არამხოლოდ ის, ვინც სპორტის სასახლეში მოვიდა და ბოლომდე გვიქომაგა, უამრავმა ადამიანმა მატჩი ტელევიზიით იხილა და ბედნიერი ვარ, რომ მათ სიხარული მივანიჭეთ. როგორც ველოდით, შეხვედრა ძალიან რთული გამოდგა.
პირველ ტაიმში დიდი სხვაობით დაწინაურების შემდეგ მეტოქემ თამაშის შემოტრიალება შეძლო. ამის მიზეზი, რა თქმა უნდა, შვეიცარიაა, თუმცა ჩვენც მივეცით თამაშის გრძნობისა და მასში
დაბრუნების საშუალება. საბედნიეროდ, გარკვეული დაღმავლობის შემდეგ გამოვნახეთ ძალები, დავლაგდით და ერთხელ მოგებული მატჩი მეორედ მოვიგეთ. ეს გუნდის ბრძოლისუნარიანობას უსვამს ხაზს".
ნერვების მატჩი: საქართველოს ნაკრებმა შვეიცარია ოვერტაიმში გატეხა [VIDEO]
