PREVIEW: სომხეთი - საქართველო

უეფას ერთა ლიგის მე-3 ტურის ეგიდით სომხეთის ეროვნული ნაკრები საქართველოს დაუპრიისპირდება. 2 მატჩის შემდეგ, სომხების აქტივში 3 ქულაა. ამ მონაგარით, გუნდი მე-3 ადგილზე იმყოფება და დღეს გამარჯვება ძალიან სჭირდება.

ვლადიმერ ვაისის გაწვრთნილი ნაკრები ჩრდ.მაკედონიასთან ერთად სატურნირო ცხრილს ლიდერობს, თუმცა დღევანდელ ოპონენტს მხოლოდ ერთი ქულით უსწრებს და შესაბამისად, კონცენტრაცია მართებს.

როგორც სლოვაკმა სპეციალისტმა განაცხადა, საქართველოს ეროვნული ნაკრების შემადგენლობაში ბევრი ცვლილებაა მოსალოდნელი. ბელარუსთან ჩატარებული შეხვედრის შემდეგ, ლოგიკურია, რომ ფეხბურთელებს არამხოლოდ ფიზიკური, არამედ ემოციური თვალსაზრისითაც დასვენება სჭირდებათ. შესაბამის მიზეზთა გამო გუნდს გიორგი ჩაკვეტაძე, გურამ კაშია და ოთარ კაკაბაძე ვერ დაეხმარებიან. 

ხოაკინ კაპაროსის გაწვრთნილი გუნდის შემთხვევაში ყველაფერი სხვაგვარადაა. სომხეთის ეროვნულ ნაკრებს ქვეყანაში მიმდინარე პროცესებიდან გამომდინარე, საკმაოდ დიდი მოტივაცია ექნება, რომ აღნიშნულ დაპირისპირებაში სასურველი შედეგი დააფიქსიროს და სატურნირო ცხრილში მდგომარეობა გაიუმჯობესოს. "მასპინძელთა" შემადგენლობა ოპტიმალურია, მათ მხოლოდ ამბარძუმიანი დააკლდებათ, რომელიც გუნდის ძირითადი მარჯვენა მცველია.

სავარაუდო შემადგენლობები

დანაკლისი: ამბარძუმიანი.
სომხეთი (4-2-3-1) - იურჩენკო - კალისირი, ეროიანი, გრიგორიანი, ჰოვჰანისიანი - ანგულო, კორიანი - მხითარიანი, კადიმიანი, ბარსეგიანი - კარაპეტიანი.

დანაკლისი: გურამ კაშია, ოთარ კაკაბაძე, გიორგი ჩაკვეტაძე.
საქართველო (4-2-3-1) - ლორია - კვირკველია, დვალი, ტაბიძე, მალი - კანკავა, კვეკვესკირი - შენგელია, კიტეიშვილი, კვარაცხელია - ქვილითაია.

მთავარ მწვრთნელთა წინასამატჩო განცხადებები

ხოაკინ კიპაროსი: "საკმაოდ ძლიერი გუნდის წინააღმდეგ ვითამაშებთ. საქართველოს ეროვნული ნაკრები ამტკიცებს, რომ ორგანიზებული ფეხბურთის თამაში შეუძლია და შესაბამისად, კონცენტრირება გვმართებს. მხითარიანის როლი, რა თქმა უნდა, დიდი მნიშვნელობისაა და მისი მოედანზე ყოფნა, სომხეთის თამაშზე კარგად უნდა აისახოს.

საკმაოდ რთული უკანა ფონის მიუხედავად, ვეცდებით, რომ ჩვენთვის სასურველი რეზულტატი დავაფიქსიროთ."

ვლადიმერ ვაისი: "ჩვენს მოწინააღმდეგეს საკმაოდ გამოცდილი მწვრთნელი ჰყავს. აღნიშნული ფაქტორი, სხვა დანარჩენთან ერთად მიუთითებს იმაზე, რომ იოლი მატჩი არ გვექნება. 

შემადგენლობებში ცვლილებები იქნება. შანსი მიეცემათ იმ ფეხბურთელებს, რომლებსაც ბოლო შეხვედრაში არ უთამაშიათ."

შეგახსენებთ, რომ შეხვედრა დღეს, თბილისის დროით 20:00 საათზე დაიწყება.

სომხეთი - საქართველო: ის რაც მატჩის წინ უნდა იცოდეთ!

საქართველო - სომხეთი 5 ნათამაშები მატჩის ისტორია[VIDEO]

ჰენრიხ მხითარიანი: საქართველოს კარგი თამაში არაფერს ნიშნავს - უნდა გავაოცოთ