ტრავმით გამოწვეული 9-თვიანი პაუზის შემდეგ ქართველმა ნახევარმცველმა ჯანო ანანიძემ რუსეთის ჩემპიონატზე პირველად ითამაშა.
ანანიძე პრემიერლიგის მე-17 ტურში სტუმრად "ანჟისთან" მატჩის 70-ე წუთზე შევიდა შეცვლაზე, როდესაც ანგარიში 0:2 იყო, 84-ე წუთზე ზე ლუისმა მისი პასით გაიტანა გოლი და "სპარტაკმა" 3:0 გაიმარჯვა.
ანანიძემ 6-თვიანი პაუზის შემდეგ სექტემბერში რუსეთის თასზე ითამაშა და ოქტომბერში ისევ ტრავმა მიიღო.
ბოლო რამდენიმე შეხვედრაში ის სათადარიგო იყო.
მწვრთნელმა ოლეგ კონონოვმა თქვა, რომ ის კარგად შევიდა შეცვლაზე და ბრაზილიელს შესანიშნავი გადაცემა გაუკეთა.
"სპარტაკმა" ზედიზედ მესამე გამარჯვება მოიპოვა და 28 ქულით სატურნირო ცხრილში მე-4 ადგილზეა.
![alt](/pictures/image50/7dcd2851212c330490e794af375b573a.jpg "ანანიძემ "სპარტაკში" 9-თვიანი პაუზის შემდეგ ითამაშა და საგოლე პასი გააკეთა")
"სპარტაკის" ახალი მწვრთნელი ანანიძეზე: ბევრის პრობლემა ისაა, რომ არ ესმით, რატომ არ თამაშობენ
