პორტუგალიის ჩემპიონატზე კვლავ გამოიჩინა თავი მეკარე გიორგი მაკარიძემ.
მე-15 ტურში მაკარიძის "ვიტორიამ" საკუთარ მოედანზე, სეტუბალში 1:0 დაამარცხა "ავეში" და გამარჯვებაში დიდი წვლილი ჩვენებურმა შეიტანა.
52-ე წუთზე, როდესაც ანგარიში 0:0 იყო, გიორგიმ ირანელი თავდამსხმელის, მეჰრდად მოჰამადის თერთმეტმეტრიანი აუღო, ამის შემდეგ მასპინძლებმა გოლი გაიტანეს და მოიგეს.
ეს ამ სეზონში მაკარიძის მიერ მოგერიებული მეორე პენალტია - 10 ნოემბერს მან 11-მეტრიანიდან გოლი თავის ყოფილ გუნდს, "რიუ ავეს" არ გაატანინა.
მან მიმდინარე ჩემპიონატზე 10 გოლი გაუშვა და ეს მისი გუნდის კლასის გათვალისწინებით შესანიშნავი შედეგია, რამეთუ უფრო ნაკლები გოლი მხოლოდ "ბენფიკას" (5) და "პორტუს" (6) აქვთ გაშვებული.
"ვიტორია" 19 ქულით მე-7 ადგილზეა და 22 დეკემბერს ლიდერ "ბენფიკას" მასპინძლობს.
გიორგი მაკარიძე პორტუგალიის პრიმერა ლიგის ტოპ 3 მეკარეს შორის დაასახელეს
გიორგი მაკარიძემ პენალტი მოიგერია, "ვიტორიამ" მაინც წააგო [VIDEO]
A Bola: გიორგი მაკარიძის შეძენა პორტუგალიურ გრანდს სურს 
მაკარიძის მე-7 მშრალი მატჩი, საოცარი "სეივი" და "სეტუბალის" გამარჯვება [VIDEO]
